الماتى قالا قۇرىلىسىن باقىلاۋ باسقارماسىنىڭ مالىمەتىنشە, ناۋرىزباي اۋدانى اقجار شاعىناۋدانىنداعى «جايسان» تۇرعىن ءۇي كەشەنى زاڭسىز سالىنىپ جاتىر, دەپ حابارلايدى Egemen.kz.
بۇعان دەيىن نىساندا تەكسەرۋ جۇرگىزىلىپ, تاپسىرىس بەرۋشى قر اكىمشىلىك قۇقىق بۇزۋ كودەكسىنىڭ 316-بابى 1-بولىگى, 321-بابى, 463-بابىنىڭ 1-بولىگى بويىنشا اكىمشىلىك جاۋاپكەرشىلىككە تارتىلعان بولاتىن.
باسقارما الماتى قالاسىنىڭ مامانداندىرىلعان اۋدانارالىق ەكونوميكالىق سوتىنا زاڭسىز سالىنعان نىساندى بۇزۋ تۋرالى تالاپ ارىز جولدادى. بۇگىندە تالاپ ارىز قاناعاتتاندىرىلىپ, سوتتىڭ زاڭدى شەشىمى كۇتىلۋدە.