الماتىدا 19 جاستاعى ستۋدەنت ەكى جاسار بالانى 8-قاباتتان قۇلاپ كەتۋدەن امان الىپ قالدى, دەپ حابارلايدى Egemen.kz.
كۋاگەرلەر «التىنبۇلاق» تۇرعىن ءۇي كەشەنىندەگى باسپالداق الاڭىندا بالانىڭ باسى توردىڭ اراسىنا قىسىلىپ, دەنەسى جەرگە قاراي سالبىراپ تۇرعانىن كورگەن. كومەككە شاقىرعان كورشىلەردىڭ داۋىسىن جاس جىگىت ەستىپ, بىردەن جاردەمدەسۋگە ۇمتىلعان. ابىروي بولعاندا, ول ءبۇلدىرشىندى دەر كەزىندە قۇتقارىپ ۇلگەردى.
باتىل جىگىت اباي اتىنداعى پەداگوگيكالىق ۋنيۆەرسيتەتتىڭ دەنە شىنىقتىرۋ فاكۋلتەتىنىڭ ستۋدەنتى ەراسىل ماحمۇت ەكەنى بەلگىلى بولدى.
«بۇگىن برۋسيلوۆسكايا 167 ءۇيىنىڭ الدىنان ءوتىپ بارا جاتقان كەزدە 6-قاباتتا ءبىر بالا قۇلايىن دەپ تۇردى. ەش ويلانباستان 6-قاباتقا كوتەرىلىپ, بالانى قۇتقارىپ الدىم», دەدى ەراسىل ماحمۇت.