20-24 شىلدە ارالىعىندا الماتىدا جاستار اراسىندا سپورتتىق قۇزعا ورمەلەۋدەن ورتالىق ازيا چەمپيوناتى وتەدى, دەپ حابارلايدى Egemen.kz.
ءىس-شارا «سامۇرىق-قازىنا» ۇااق» اق قولداۋىمەن قازاقستاندا, ورتالىق ازيادا سپورتتىق قۇزعا ورمەلەۋدى ناسيحاتتاۋ جانە دامىتۋ ماقساتىندا وتكىزىلەدى.
جارىسقا وزبەكستان, قىرعىزستان, تاجىكستان, تۇركىمەنستان جانە قازاقستاننىڭ 150 جاس سپورتشىسى قاتىسادى دەپ كۇتىلۋدە. ال 12-18 جاس ارالىعىنداعى بوزبالالار مەن قىزدار ءتورت توپتا سايىسقا تۇسەدى. جاسوسپىرىمدەر بولسا جىلدامدىق پەن قيىندىق سياقتى ەكى باعىتتا كۇش سىناسادى.
چەمپيونات جەڭىمپازدارى ارنايى مەدالدار مەن ديپلومدارمەن ماراپاتتالادى.