قر پرەزيدەنتى قاسىم-جومارت توقاەۆتىڭ ۇكىمەتتىڭ كەڭەيتىلگەن وتىرىسىندا ايتقان سىنىنان كەيىن «سامۇرىق-قازىنا» قورىنىڭ ميسسياسى قايتا قارالاتىن بولدى. بۇل تۋرالى ۇلتتىق ەكونوميكا ءبىرىنشى ۆيتسە-ءمينيسترى تيمۋر جاقسىلىقوۆ ۇكىمەت وتىرىسىندا ءمالىم ەتتى, دەپ حابارلايدى Egemen.kz.
«كۆازيمەملەكەتتىك سەكتوردىڭ ءرولىن قايتا قاراۋ شەڭبەرىندە مەملەكەتتىك مەنشىكتى باسقارۋدى جەتىلدىرۋ جانە «سامۇرىق-قازىنا» قورىن رەفورمالاۋ بويىنشا جۇمىس جۇرگىزىلىپ جاتىر. وسى باعىت بويىنشا مەملەكەت قاتىسۋىنىڭ ناقتى ولشەمى كۆازيمەملەكەتتىك سەكتور سۋبەكتىلەرىنىڭ جاڭا سىنىپتاماسى, سونداي-اق كورپوراتيۆتىك باسقارۋدىڭ جاڭا ۇيىمداستىرۋشىلىق نىساندارى مەن مودەلدەرى ايقىندالادى», دەدى ول.
ايتۋىنشا, «سامۇرىق-قازىنا» بۇدان بىلاي جەكە ينۆەستيتسيالاردى تارتۋعا كوبىرەك كوڭىل بولۋگە ءتيىس.
«سامۇرىق-قازىنا» قورىنىڭ ميسسياسى جەكە ينۆەستيتسيالاردى تارتا وتىرىپ, جۇيە قۇراۋشى جوبالارعا بەلسەندى ورتاق ينۆەستيتسيالارعا باسا نازار اۋدارىپ, قايتا قارالادى», دەدى ۆيتسە-مينيستر.