ءۇندىستاننىڭ سولتۇستىگىندەگى دجاممۋ مەن كاشمير اۋماعىنداعى امارناتح ۇڭگىر حرامى ايماعىنان 15 مىڭعا جۋىق ادام قاۋىپسىز جەرگە كوشىرىلدى, دەپ حابارلايدى Egemen.kz تاسس-قا سىلتەمە جاساپ.
NDTV تەلەارناسىنىڭ حابارلاۋىنشا, ەۆاكۋاتسيالاۋ وپەراتسياسىنا جەرگىلىكتى گارنيزون مەن شەكارا بولىمدەرىنىڭ اسكەري قىزمەتشىلەرى جۇمىلدىرىلعان.
جۇما كۇنى كۇشتى مۋسسون نوسەرىنەن تۋىنداعان سۋ تاسقىنى سالدارىنان كەم دەگەندە 15 ادام مەرت بولدى. ەل بيلىگىنىڭ مالىمەتىنشە, تاعى 40-تان استام ادام ءىز-ءتۇزسىز جوعالدى. جۇما كۇنى اعىن سۋ مەن كوشكىن شاتىرلار مەن قوعامدىق اسحانالاردى باسىپ, ءدىن ۇستانۋشىلار جاتقان لاگەرلەر بالشىق پەن تاسقا تولدى. قازىرگى ۋاقىتتا ادامدار ۋاقىتشا ورنالاستىرۋ ورىندارىنا جەتكىزىلۋدە. قۇتقارۋ توپتارى ءىز-ءتۇزسىز جوعالعانداردى ىزدەپ جاتىر.