الماتى اكىمى ەربولات دوساەۆ قالا اكىمدىگىنىڭ عيماراتىن جىل سوڭىنا دەيىن قالپىنا كەلتىرۋ جوسپارلانعانىن مالىمدەدى, دەپ حابارلايدى Egemen.kz.
«مەملەكەت باسشىسىنىڭ رەزيدەنتسياسى جايلى ايتاتىن بولساق. بۇرىن ەگجەي-تەگجەيلى وندا مەكەمە قاراستىرىلعان بولاتىن. ءبىز قازىر ەگجەي-تەگجەيلى جوسپارلاۋ جوباسىن وزگەرتەمىز. وندا الاڭ ەمەس, ساياباق ايماعى پايدا بولادى. ءبىز اكىمدىكتىڭ جانىندا ورنالاسقان ساياباق ايماعىن بىرىكتىرگىمىز كەلەدى. ول ساتپاەۆ كوشەسىنە دەيىن وتپەلى بولادى», دەدى ەربولات دوساەۆ.
اكىم ساياباق ايماعىنىڭ ەسكيزدىك جوباسى قالا قۇرىلىسى كەڭەسىنىڭ مۇشەلەرىمەن تالقىلاناتىنىن ايتتى.
ول سونداي-اق 8 شىلدەدە اكىمدىك عيماراتى بويىنشا جوبالاۋ-سمەتالىق قۇجاتتامانىڭ قورىتىندىسىن الاتىنىن مالىمدەدى.
ء«بىز العاش رەت وسى يگىلىگىمىزدى جوندەۋمەن اينالىساتىن بەس الماتىلىق كومپانيادان تۇراتىن كونسورتسيۋم قۇردىق. عيمارات قالپىنا كەلتىرىلۋگە جاتادى. بارلىق جۇمىستار جىل سوڭىنا دەيىن اياقتالادى دەپ جوسپارلادىق. بىراق نەگىزگى ءۇش عيماراتتىڭ وزىمەن ەمەس, مەتالل ورتەنىپ كەتكەن كۇمبەزدى زالمەن بايلانىستى قيىن جوبالىق شەشىمدەر بولدى. سوندىقتان جۇمىس جۇرگىزىلەدى, كەلەسى جىلدىڭ ناۋرىزىنا دەيىن قالپىنا كەلتىرۋ اياقتالادى دەپ ۇمىتتەنەمىز», دەدى قالا باسشىسى.