وسى جىلى قوستاناي وبلىسىندا 500 شاقىرىمنان استام اۆتوجول جوندەلەدى. بۇل تۋرالى قوستاناي وبلىسىنىڭ اكىمى ارحيمەد مۇحامبەتوۆ ايتتى, دەپ حابارلايدى Egemen.kz.
«بيىل 500 شاقىرىمنان استام اۆتوجول مەن ەلدى مەكەندەردىڭ 220 كوشەسى جوندەلەدى. قازىر جاقسى جانە قاناعاتتانارلىق جاعدايداعى وبلىستىق جانە اۋداندىق ماڭىزى بار اۆتوموبيل جولدارىنىڭ ۇلەسى 78 پايىزدى قۇراپ وتىر. وسى جىلدىڭ قورىتىندىسى بويىنشا اتالعان ۇلەستى 85 پايىزعا دەيىن جەتكىزۋ جوسپارلانعان», دەدى ءوڭىر اكىمى ورتالىق كوممۋنيكاتسيالار قىزمەتىندەگى ءباسپاسوز ءماسليحاتىندا.
اكىمنىڭ ايتۋىنشا, «قاراپايىم زاتتار ەكونوميكاسى» باعدارلاماسى جۇزەگە اسىرىلا باستاعان ساتتەن بەرى وڭىردە جالپى قۇنى 64,9 ملرد تەڭگەنى قۇرايتىن 317 جوبا قولداۋعا يە بولدى. ولاردىڭ باسىم بولىگى اگروونەركاسىپ كەشەنى ونىمدەرىن وڭدەۋگە جانە قايتا وڭدەۋگە باعىتتالعان جوبالار بولدى.
«ماشينا جاساۋ, مەتاللۋرگيا ونىمدەرى, مەتالل ەمەس ونىمدەر جانە تاماق ونىمدەرى ءوندىرىسىنىڭ ۇلعايۋى ەسەبىنەن وڭدەۋ ونەركاسىبى 13,8 پايىزعا وسكەنىن كورسەتەدى. ءوڭىردىڭ ەرەكشەلىكتەرىن ەسكەرە وتىرىپ, تاياۋ بولاشاقتا ءوسىم قورى رەتىندە 1,8 ترلن تەڭگەگە 52 جوبادان تۇراتىن پۋل قۇرىلدى. بۇل جوبالار وبلىس ەكونوميكاسىن ودان ارى يندۋستريالاندىرۋعا سەپتىگىن تيگىزەتىن 8 مىڭ جۇمىس ورنىن اشۋعا دا مۇمكىندىك بەرەدى. ءوڭىردىڭ ەكونوميكالىق ءوسىم درايۆەرى سانالاتىن ماشينا جاساۋ سالاسىنا جەكە توقتالعىم كەلەدى. اۆتوموبيل جاساۋدىڭ ارقاسىندا ونەركاسىپتىڭ جالپى كولەمىندەگى وڭدەۋ سەكتورىنىڭ ۇلەسى 55,6 پايىزعا جەتتى», دەدى ارحيمەد مۇحامبەتوۆ.
ايانا توعانبەك