ءۇش «م»: «بايلىقتىڭ ماگنيتى» قاي ەلدە؟

الەم ساراپشىلارىنىڭ ايتۋىنشا, سوڭعى ون­جىلدىقتا رەسەي اۋقاتتىلارىنىڭ ەلىنەن كو­شىپ كەتۋ كورسەتكىشى قار­قىن الىپ وتىر. لون­دون­داعى Henley&Partners كومپا­نيا­سى­نىڭ كوشى-قون دەرەكتەرىنە نەگىز­دەلگەن جوبا­عا سايكەس اكتيۆ­تەرى 1 ميلليون دوللاردان (820 000 فۋنت ستەرلينگ) اسا­تىن رەسەيلىكتەر­دىڭ شاما­مەن 15%-ى 2022 جىلدىڭ سوڭى­نا قاراي باسقا ەلگە قونىس اۋدارادى دەپ كۇتىلۋدە. «ميل­ليونەرلەردىڭ جاپپاي قونى­س اۋدارۋى ەلدەگى جاعدايدىڭ تۇ­راقسىزدىعىن كورسەتەدى. تا­ريح­تان بىلەتىنىمىزدەي ءىرى ەلدەر­دىڭ ىدىراۋى ادەتتە بايلار ەمي­گراتسياسىنىڭ جەدەلدەۋىمەن باي­­لانىستى بولدى, ولار قارا­جا­تى بولعاندىقتان ەلدەن ءبى­رىنشى بولىپ كەتەدى», دەيدى New World Wealth زەرتتەۋ ور­تالى­عىنىڭ باسشىسى ەندريۋ امويلس. سونى­مەن قاتار ساراپشى­لار­دىڭ بولجامى بويىنشا ۋكراي­نا دا جوعارى تابىسى بار تۇلعا­لاردان (HNWIs/high net worth individuals) «ايىرىلىپ» قال­ماق, جىل سوڭىنا دەيىن 2 800 مي­لليونەر (ۋكرايناداعى بارلىق HNWIs-ءتىڭ 42%-ى) ەلدەن كەتپەك ويدا.

وسىعان دەيىن دۇنيە ءجۇزىنىڭ تۇكپىر-تۇكپىرىنەن اۋقاتتى ادامدار ءداستۇرلى تۇردە اقش پەن ۇلى­بريتانياعا قونىس اۋداردى, ال ەندى Henley&Partners مالىمەتى بىرىككەن اراب امىر­لىك­تەرى ميلليونەرلەر ءۇشىن ءنومىرى 1-ءشى باعىت ەكەنىن كورسەتتى. « ۇلى­بريتانيا ەندى اۋقات­تى­لار­دىڭ ەلى ەمەس, اقش تا الەم­دەگى بايلار ءۇشىن ماڭى­زىن جوعالتىپ بارادى, ال بىرىك­كەن اراب امىرلىكتەرى 2022 جىلى بۇكىل الەم بويىنشا ميل­ليونەرلەردىڭ ات باسىن تىرەپ, تۇراقتى قونىسىنا اينالۋدا, بۇل كورسەتكىشىمەن ءباا اتالعان ەكى ەلدى ارتتا قالدىرماق», دەلىنگەن Henley&Partners بايانداماسىندا (Henley Global Citizens Report). جىل سوڭىنا دەيىن شامامەن 4 مىڭعا جۋىق اۋقاتتى ازاماتتىڭ ءباا-عا كوشۋى كۇتىلۋدە, وسىلايشا, بۇل ەل شامامەن جىلىنا 3 500-گە جۋىق ميلليونەرمەن تولى­عاتىن اۋستراليانى, سينگاپۋردى (2 800) جانە ءيزرايلدى (2 500) باسىپ وزباق.

سونداي-اق ميلليونەرلەردىڭ ۇلكەن لەگى ءۇش «م» – مالتا, ماۆ­ريكي جانە موناكوعا تۇراق­تانادى دەپ بولجايدى ساراپ­شىلار. مالتا سوڭعى ونجىل­دىقتا ميلليونەرلەر كوشى-قونى تۇرعىسىنان عانا ەمەس, سونىمەن بىرگە جالپى ەلدەگى كاپيتال­دىڭ ءوسۋى بويىنشا الەمدەگى ەڭ باي ەلدىڭ بىرىنە اينالدى. «2011-2021 جىلدار ارالىعىندا مالتانىڭ بايلىعى اقش دول­لا­رىمەن ساناعاندا 87 پا­يىزعا ءوستى. ارالداعى مەملە­كەتتىڭ ءومىر سۇرۋگە قاي جاعىنان دا قولايلىلىعى (جەرورتا تەڭىزىنىڭ ورتاسىندا ورنالاسقان مالتا ءوزىنىڭ تاماشا كليماتى, مەيىرىمدى ادامدارى, قىلمىس دەڭگەيىنىڭ تومەندىگى جانە تاماشا ءومىر ساپاسى ءۇشىن سۇرانىسقا يە بولىپ وتىر. سونىمەن قاتار اۋە بايلانىس­تارى ساپالى ءارى ءتيىمدى) ونىڭ كاپيتالىن ارت­تىردى, سونىمەن قاتار, ەلدەگى قارجىلىق قىز­مەتتەر, IT جانە جىلجىمايتىن م ۇلىك سياقتى بىرنەشە سالا جىلدام ءوستى. وسى جىلى 300-گە جۋىق ميلليونەر مالتاعا قونىس اۋدارادى دەپ كۇتىلۋدە», دەدى ەندريۋ امويلس.

ال ءۇندى مۇحيتىنداعى ارالدى مەملەكەت ماۆريكيدى ساراپشىلار «بايلىقتىڭ ماگ­نيتى» رەتىن­دە سيپاتتايدى, ويتكەنى ون­داعى حالىقارالىق قارجى ور­تالىعى ايتارلىقتاي سالىق جەڭىل­دىكتەرىن ۇسىنادى. بۇل ەلدە كاپيتال وسىمىنە, مۇراعا سا­لىق سالىنبايدى, ال شەتەلدىك كومپانيالار ءۇشىن ەڭ جوعارى سالىق مولشەرى 3%-دى قۇرايدى. سون­دىقتان دا سۇرانىستاعى ەل­دەر­دىڭ ءبىرى. Africa Wealth Report 2022 مالىمەتتەرىنە سايكەس ماۆ­ريكي­دە قازىر 4 800 اۋقاتتى ادام تۇرادى, بۇل ون جىلعى كورسەتكىشپەن سالىس­تىرعاندا 2 700 ادامعا كوپ. بيىل ماۆريكيگە 150-گە جۋىق ميل­ليونەر كوشەدى دەپ كۇتىلۋ­دە, ولاردىڭ كوپ­شىلىگى وڭتۇستىك افريكا مەن ەۋروپا ەل­دەرىنەن. موناكو بولسا ۇزاق ۋاقىت بويى الەمنىڭ سۋپەر بايلارىن وزىنە ماگنيت سەكىلدى تارت­قان ەل, ويتكەنى وندا تابىس سالىعى, كاپي­تالعا سالىناتىن سالىق جانە م ۇلىك سالىعى جوق. موناكودا تۇراتىن ون ادامنىڭ جەتەۋى كاپيتالى دوللاردان قۇرالعان ميلليونەر.

بايلاردىڭ تۇراقتاناتىن ەلى بولعان ۇلىبريتانيادا قازىر اۋقاتتى ادامداردىڭ سانى 1500-گە ازايىپ, مۇلكى 1 ميلليون دوللاردان عانا اساتىن ادامداردىڭ سانى 738 000 بولادى دەپ بولجايدى ساراپشىلار. بۇگىنگى تاڭدا الەمدە 15 ميلليوننان ءسال استام قالتالى ادام تىركەلگەن.