ورتالىق سايلاۋ كوميسسياسىندا ەۋروپاداعى قاۋىپسىزدىك جانە ىنتىماقتاستىق ۇيىمىنىڭ دەموكراتيالىق ينستيتۋتتار مەن ادام قۇقىقتارى بيۋروسى (ەقىۇ/داقب) رەفەرەندۋمدى باعالاۋ جونىندەگى ميسسياسىمەن كەزدەسۋ ءوتتى.
ورتالىق سايلاۋ كوميسسياسىنىڭ توراعاسى نۇرلان ءابدىروۆ ەقىۇ/دياقب-نىڭ رەفەرەندۋمدى باعالاۋ جونىندەگى ميسسياسىنىڭ باسشىسى تاماش مەسەريچپەن بىرقاتار ماسەلە جونىندە پىكىرلەستى. سونىمەن قاتار كوميسسيا توراعاسى تاماش مەسەريچگە رەفەرەندۋمدى بايقاۋ بويىنشا اتقارعان جۇمىسى ءۇشىن العىسىن ءبىلدىردى. ءوز كەزەگىندە كوميسسيا توراعاسى تاماش مەسەريچ 5 ماۋسىمدا وتكەن رەسپۋبليكالىق رەفەرەندۋمعا دايىندىق پەن ونى وتكىزۋ جونىندەگى جۇمىستىڭ اياقتالۋىمەن قۇتتىقتاپ, رەفەرەندۋم ۇيىمداستىرۋشىلارىنا رەفەرەندۋم كوميسسيالارىنىڭ بارلىق دەڭگەيلەرىندە ميسسيامەن ءتيىمدى ءوزارا ءىس-قيمىل جاسالىپ, جوعارى دەڭگەيدە وتكەنىن اتاپ ءوتتى.
ەكى تاراپ تۇراقتى كونسۋلتاتسيالار رەجىمىندە جانە سايلاۋارالىق كەزەڭدە ءبىر-بىرىمەن تىعىز ىنتىماقتاستىعىن جالعاستىرۋعا نيەتتى.
كەزدەسۋگە وسك توراعاسىنىڭ ورىنباسارى كونستانتين پەتروۆ, وسك حاتشىسى مۇحتار ەرمان, سونداي-اق ميسسيا باسشىسىنىڭ ورىنباسارى دومينيك حوۋەلل, ميسسيانىڭ ساياسي ماسەلەلەر جونىندەگى مامانى راشاد شيرينوۆ, ميسسيانىڭ سايلاۋ ماسەلەلەرى جونىندەگى مامانى ادينا بوركان قاتىسىپ, پىكىرلەرىن ءبىلدىردى.