وتىز جىلدىق بيلىكتىڭ اياقتالعانىن بىلدىرەدى

سايلاۋ كوميسسياسىنىڭ حابارلاۋىن­شا, قازاقستاننىڭ نەگىزىن قالاۋشى كوشباسشى نۇرسۇلتان نازارباەۆتىڭ ورتا­لىق ازياداعى ەڭ باي ەلدەگى وتىز جىل­دىق بيلىگىن اياقتاعان تارتىپ­سىزدىك­تەر­دەن كەيىن رەفەرەندۋمدا قازاق­ستان­دىق­تاردىڭ باسىم كوپشىلىگى كونس­تيتۋ­تسيا­لىق وزگەرىستەردى قولداپ داۋىس بەردى. «رەفەرەندۋم ءوتتى دەپ ساناۋعا بولادى», دەدى دۇيسەنبى كۇنى ورتالىق رەفەرەندۋم كوميسسياسىنىڭ توراعاسى نۇرلان ءابدىروۆ. سايلاۋشىلاردىڭ 77 پايىزى شە­شىم­دى قولداعانىن كورسەتكەن الدىن الا ناتيجەلەرگە سىلتەمە جاساعان ول جەكسەنبى كۇنگى رەفەرەندۋمعا ساي­لاۋ­شىلاردىڭ 68 پايىزدان استامى قاتىس­قانىن حابارلادى.

69 جاستاعى توقاەۆ كەزەكتەن تىس رەفەرەندۋمدى «سۋپەرپرەزيدەنتتىك» باسقارۋدان شىعۋ دەپ اتادى. زاڭداعى ەڭ كورنەكتى وزگەرىس – 81 جاستاعى نازارباەۆ ءۇشىن ەرەكشە ارتىقشىلىقتاردىڭ جوق­تىعى بولىپ وتىر. ايتىپ وتسەك, نازار­باەۆ پرەزيدەنتتىك قىزمەتىنەن كەتكەننەن كەيىن دە «ەلباسى» نەمەسە «ۇلت كوشباسشىسى» دەگەن كونستيتۋتسيالىق اتاعىن ساقتاپ قالدى, بۇل ءرول ونىڭ رەسمي لاۋازىمىنا قاراماستان ساياساتتى قالىپتاستىرۋعا ىقپال ەتتى. ال جاڭا كونستيتۋتسيا بۇل مارتەبەنى جويا­دى. تاعى ءبىر تۇزەتۋ پرەزيدەنتتىڭ تۋىس­تارىنىڭ مەملەكەتتىك قىزمەتتە جۇمىس ىستەۋىنە تىيىم سالادى.

ەسكە سالساق, جاڭا جىلداعى گاز باعاسىنىڭ قىمباتتاۋىنا بايلانىستى نارازىلىقتار مۇناي ءوندىرۋشى باتىستا باستالدى, بىراق قارۋلى قاقتىعىستار, توناۋ مەن ورتەۋ الماتى قالاسىندا بولدى. 2019 جىلعا دەيىن استانا دەپ اتالىپ كەلگەن نۇر-سۇلتان قالاسىندا كەلەڭسىزدىكتەر بولعان جوق.