بۇگىن الماتى كوشەلەرىندە كولىك قوزعالىسى ۋاقىتشا شەكتەلەدى, دەپ حابارلايدى Egemen.kz الماتى اكىمدىگىنىڭ ءباسپاسوز قىزمەتىنە سىلتەمە جاساپ.
6 ماۋسىمدا ساعات 08.00 مەن كەشكى ساعات 19.00 ارالىعىندا ەسكى تاسجول جابىنىن الۋ ءۇشىن سايىن - شالياپين كوشەلەرى قيىلىسىنداعى جولايرىقتىڭ وڭتۇستىك-باتىس بولىگىندەگى كولىك قوزعالىسى ءىشىنارا شەكتەلەدى.
جاڭا جابىندى توسەۋ ءۇشىن سايىن - شالياپين كوشەلەرى قيىلىسىنداعى جولايرىقتىڭ باتىس بولىگى 6 ماۋسىمدا ساعات 22.00 مەن 07.00 ارالىعىندا ءىشىنارا, ال 7 ماۋسىمدا ساعات 22.00 مەن 8 ماۋسىمدا ساعات 06.00 ارالىعىندا تولىق جابىلادى.بۇل جۇمىستار ورتاشا جول جوندەۋ جۇمىستارى اياسىندا جوسپارلانعان.