ساپاسىز سالىنعان عيماراتتىڭ زاردابى

باق تاراتقان فوتوسۋرەتتەردەن بەتون ەدەندەر مەن تە­مىر جابدىقتاردىڭ كوشەگە قاراي قۇلاپ, بىرنەشە كولىكتى قيرات­قانىن كورۋگە بولادى. قازىر ىزدەستىرۋ-قۇتقارۋ جۇمىستارى جالعاسىپ, قيراۋ سەبەپتەرى انىقتالۋدا. وقيعاعا كىنالى دەگەن كۇدىكپەن 10 ادام قاماۋعا الىندى, ولاردىڭ اراسىندا قۇرىلىس جۇرگىزگەن مەردىگەر مەكەمە باسشىسى, قالانىڭ قازىرگى جانە بۇرىنعى ەكى باسشىسى بار.

اشۋلانعان حالىق وتكەن اپتا­نىڭ اياعىندا ابادان كوشەلەرىنە شىعىپ, نارازىلىق ءبىلدىردى. ولار «بىلىكسىز شەنەۋنىكتەرگە ءولىم جازاسى قاجەت» دەپ اي­قاي­لاپ, قولدارىنا پلاكات ۇس­تاپ شىقتى. يراننىڭ Fars اقپا­رات اگەنتتىگىنىڭ حابارلاۋىن­شا, نارازىلىق اكتسياسىنا شىق­قانداردىڭ سانى 100-گە جۋىق. ال Irna مەملەكەتتىك اقپا­رات اگەنتتىگى عيماراتتىڭ ابادان­داعى ساۋدا-ساتتىق ورتالىعىندا ورنالاسقانىن جانە ونىڭ تو­مەنگى قاباتتارى بىرنەشە كۇن­نەن بەرى اشىق ەكەنىن, ال جوعارعى قاباتتاردا قۇرىلىس جۇمىستارى جۇرگىزىلىپ جاتقانىن حابارلا­دى. كۋاگەرلەردىڭ ايتۋىنشا, عيمارات جەرگىلىكتى ۋاقىت بويىن­شا 12.40 (GMT 08:10) شاما­سىندا كەنەتتەن وپىرىلىپ تۇسكەن. «العاشىندا مەن بۇل جەر سىلكىنىسى دەپ ويلادىم», دەدى دۇكەن يەسى احماد Associated Press اگەنتتىگىنە بەر­­گەن سۇحباتىندا. يراننىڭ قىزىل جارتى اي ۇيىمى وقيعا ورنى­نا ابادان مەن كورشىلەس قالالاردان 23 قۇتقارۋ توبى مەن وننان استام جەدەل جاردەم كولى­گى جەتكەنىن مالىمدەدى. سونى­مەن قاتار يراننىڭ Mehr اقپا­رات اگەنتتىگىنىڭ حابارلاۋىن­شا, قامالعانداردىڭ كوپشىلىگى عيما­راتتىڭ قۇراستىرىلعان بو­لىك­­تەرى­نىڭ ءبىرىنشى قاباتىندا ساۋدا جاساۋعا رۇقسات بەرگەندەر ەكەن.

وسى وقيعادان كەيىن ەلدەگى قۇرىلىس قاۋىپسىزدىگى ستاندارتتارىنا قاتىستى ماسەلەلەر قايتا تالقىعا سالىندى. قالانىڭ جوعارى لاۋازىمدى شەنەۋنىگى موحامماد موحبەر مەملەكەتتىك تەلەارناعا بەرگەن سۇحباتىندا عيماراتتىڭ قۇرىلىسى كەزىندە سىبايلاس جەمقورلىققا جول بەرىلگەنىن ايتادى. «جەرگىلىكتى بيلىك وكىلدەرىنىڭ ايتۋىنشا, زاڭ بويىنشا عيمارات تەك التى قاباتتان تۇرۋى كەرەك ەدى, بىراق قۇرىلىس بارىسىندا تاعى ءتورت قابات قوسىلعان», دەپ حابارلايدى Associated Press.

وتكەن عاسىردىڭ 80-جىلدا­رىنداعى يران-يراك سوعىسى كەزىندە اتالعان ايماق جاپپاي قيراتىلىپ, ونى قالپىنا كەل­تىرۋ جوبالارىنىڭ كوپشىلىگى ناشار قۇرىلىس تاجىريبەسى ءۇشىن سىنعا ىلىككەن بولاتىن. «بىراق سىننان ناتيجە شىعارعان بيلىك تە, قۇرىلىس مەكەمەلەرى دە جوق. بۇل عيماراتتىڭ قيراۋى يرانداعى سوڭعى جىلدارداعى ەڭ اۋىر وقيعا بولدى», دەيدى ساراپشىلار. ەسكە سالساق, 2017 جىلى تەگەرانداعى 17 قاباتتى Plasco عيماراتى ورتەنىپ, كەيىن وپىرىلىپ قۇلاپ, اپات سالدارىنان 20 ادام, ونىڭ ىشىندە 16 ءورت ءسوندىرۋشى قازا تاپقان ەدى.

«ال سەنەگالدىڭ باتىسىن­داعى تيۆاۋان قالاسىنداعى اۋرۋ­حانادا ءورت شىعىپ, 11 جاڭا تۋعان نارەستە ءتىلسىز جاۋدىڭ ورتا­سىندا قالىپ قويعان بولاتىن», دەپ حابارلادى ەل پرەزيدەنتى ماكي سالل. بۇل وقيعا Mame Abdou Aziz Sy Dabakh اۋرۋحانا­سىندا بولعان. سەنەگال ساياساتكەرى ديوپ ءسيدىڭ ايتۋىنشا, ءورت قىسقا تۇيىقتالۋ سالدارىنان بولعان. قالا مەرى دەمبا ديوپ ءۇش ءسابيدىڭ امان قالعانىن ايتتى. جەرگىلىكتى اقپارات قۇرالدارىنىڭ حابارلاۋىنشا, اۋرۋحانا جاقىندا عانا اشىلعان. «وتە وكىنىشتى جانە اۋىر جاعداي. وقيعانىڭ ءمان-جايىن انىقتاۋ ءۇشىن تەرگەۋ ءجۇرىپ جاتىر», دەدى وقيعا كەزىندە دۇنيەجۇزىلىك دەنساۋلىق ساقتاۋ ۇيىمىنىڭ وكىلدەرىمەن كەزدەسۋ ءۇشىن جەنەۆادا بولعان دەنساۋلىق ساقتاۋ ءمينيسترى ابدۋلاي ديۋف سارر.

ء«ورت سەنەگالداعى دەنساۋلىق ساقتاۋ مەكەمەلەرىندە بولعان بىرنەشە وقيعادان كەيىن تاعى قايتالانىپ تۇر, مۇندا دەنساۋ­لىق ساقتاۋ سالاسىندا قالا مەن اۋىل اراسىندا ۇلكەن ايىرما­شىلىق بار», دەيدى ساراپشىلار. ماسەلەن, لينگەر وڭىرىندە وسى جىلدىڭ ءساۋىر ايىندا اۋرۋحانادا ءورت شىعىپ, ءتورت جاڭا تۋعان نارەستەنى امان الىپ قالۋ مۇمكىن بولماعان ەدى. قالا باسشىسى بولسا ءورت ەلەكتر جابدىقتارىنىڭ ىستەن شىعۋىنا سەبەپشى بولعان پەرزەنتحاناداعى كونديتسيونەردەن شىقتى دەپ مالىمدەگەن بولاتىن. ال ساراپشىلار بولسا ەلدە سوڭعى كەزدەرى سالىنىپ جاتقان جاڭا عيماراتتاردىڭ ساپاسى مۇلدە سىن كوتەرمەيتىنىن ايتادى. اسىرەسە ءورتتى لەزدە تاراتىپ, قىزىل جالىنعا بەيىم قۇرىلىس ماتەريالدارىنان كوپتەگەن قو­عامدىق عيمارات­تاردىڭ, ونىڭ ىشىندە ۇيلەر مەن ەمحانالاردىڭ بوي كوتەرىپ جاتقانىن ايتىپ, دابىل قاعۋدا.