ەل دامۋىنىڭ بولاشاعىنا ارنالدى

اقپارات جانە قوعامدىق دامۋ مينيسترلىگى قوعامدىق كەلىسىم مەكەمەسىنىڭ ديرەكتورى عالىمجان قۇسمانعالي باق وكىلدەرىمەن بىرگە قازىرگى تاڭدا ەلدەگى وزەكتى ماسە­لەلەردىڭ ءبىرى – كونستيتۋتسيالىق رەفورمالار مەن رەسپۋبليكالىق رەفەرەندۋم جايىندا پىكىرلەستى. اشىق اڭگىمە فورماتىندا وربىگەن كەزدەسۋگە باق وكىلدەرىمەن قاتار بلوگەرلەر جانە نۇر-سۇلتان قالاسى ەتنومادەني بىرلەستىكتەرىنىڭ وكىل­دەرى قاتىستى.

«جالپى پرەزيدەنت ۇسىنعان رەفورمالار – ەل ءومىرىنىڭ بارلىق سالاسىن قامتيتىن كەشەندى جوس­پار. سول سەبەپتى ول وزگەرىستەردى ومىر­گە ەنگىزۋ ءبارىمىزدىڭ, ياعني ءاربىر قازاق­ستان ازاماتى­نىڭ اتسالىسۋىن قاجەت ەتەدى. ءاربىر قازاقستان­دىق­تىڭ پىكىرى ەل تاعدىرى ءۇشىن ماڭىزدى. ءوز كە­زە­گىندە رەفەرەندۋم سياقتى ساياسي تەتىكتىڭ 27 جىل وتكەننەن كەيىن قول­دانىلۋى, الداعى ۋاقىتتا قابىل­داناتىن شەشىمنىڭ تاريحي ماڭىز­­دى­لىعىن تاعى دا ءبىر مارتە اي­قىن­داتىپ وتىر. رە­فەرەندۋمدا كونس­تي­تۋ­تسيالىق رەفورمالار­دى قول­داۋى­مىز – مەملەكەت باسشىسى ۇسىنعان جاڭا قازاقستان مەن ەكىنشى رەسپۋبليكا يدەياسىن جان-جاقتى قولداۋدىڭ ناقتى كورىنىسى بولماق. الداعى رەفورمالار اسسامبلەيا قىزمەتىن دە قامتيدى. قازاقستان حالقى اسسامبلەياسى تاۋەلسىزدىك جىلدارى حالىق بىرلىگىن نىعايتۋ ىسىنە بەلسەندى ارالاسقانى بارشامىزعا بەلگىلى. دەگەنمەن, وزگەرىستەر – قازىرگى زامان تالابى», دەدى عالىمجان قۇسمانعالي ءوز سوزىندە.

بۇگىنگى كۇنى قوعامدىق كەلىسىمدە دە بىرقاتار وزگەرىس ورىن الدى. ماسەلەن, اسسامبلەيانىڭ وزىمەن قاتار قۇرىلىمدارىنىڭ دا, ونىڭ ىشىندە جۋرناليستەر كلۋبىنىڭ دا جۇمىسى جاڭا فورماتقا كوشكەن. قۇرامى جاڭاردى. ەندى كلۋب تىزگىنىن Abai TV تەلەارناسىنىڭ ديرەكتورى ازامات كەڭەس ۇلى جۇرگىزەدى.

ەستەرىڭىزگە سالا كەتەيىك, قازاق­ستان حالقى اسسامبلەياسى جانىنداعى جۋرناليستەر كلۋبى ەتنوسارالىق ماسەلەلەردى قامتۋ باعى­تىندا جۋر­ناليستىك ەتيكا قاعيداتتارىن قالىپ­تاس­تى­رىپ, جاۋاپكەرشىلىكتى كۇشەيتۋ ءۇشىن رەسپۋب­لي­كالىق جانە وڭىرلىك باق وكىلدەرىنىڭ, اتاپ ايت­قاندا جۋرناليستەردىڭ, بلوگەرلەر مەن سا­راپ­شىلاردىڭ كۇش-جىگەرىن ءبىر ارنادا توعىس­تىرۋ ماقساتىندا 2009 جىلى قۇرىلعان بولاتىن.