قىزىلوردا وبلىسىنىڭ سىبايلاس جەمقورلىققا قارسى قىزمەتى پارا الۋ دەرەگى بويىنشا بىرقاتار لاۋازىمدى تۇلعاعا قاتىستى تەرگەۋ باستادى, دەپ حابارلايدى Egemen.kz.
قىزىلوردا وبلىسى ىشكى مەملەكەتتىك اۋديت دەپارتامەنتىنىڭ ءبولىم باسشىسى مەن باس مامانىنا قاتىستى تەرگەۋ ءجۇرىپ جاتىر.
«اتالعان قىزمەتكەرلەر مەملەكەتتىك اۋديتورلىق تەكسەرۋ جۇرگىزۋ كەزىندە جالپى سوماسى 1 280 000 تەڭگەنى قۇرايتىن پارا الۋ دەرەگىنە جول بەرگەن. بۇل رەتتە قىزىلوردا وبلىسىنىڭ جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ باسشىسى تەكسەرۋ بويىنشا وڭ شەشىم قابىلداعانى ءۇشىن جوعارىدا اتالعان تۇلعالارعا 50 000 تەڭگە سوماسىندا پارا بەرگەن», دەپ ءمالىم ەتتى قىزىلوردا وبلىسىنىڭ سىبايلاس جەمقورلىققا قارسى قىزمەتى.
ۆەدومستۆو مالىمەتىنشە, سوت قىزىلوردا وبلىسىنىڭ ىشكى مەملەكەتتىك اۋديت دەپارتامەنتىنىڭ لاۋازىمدى ادامدارىنا قاتىستى كۇزەتپەن ۇستاۋ شاراسىن سانكتسيالاعان. وزگە اقپارات تەرگەۋ مۇددەسىنە بايلانىستى جاريالانبايدى.