مەملەكەت باسشىسى «سامۇرىق-قازىنا» اق باسقارما توراعاسى الماسادام ساتقاليەۆتى قابىلدادى, دەپ حابارلايدى Egemen.kz اقورداعا سىلتەمە جاساپ.
قاسىم-جومارت توقاەۆقا «سامۇرىق-قازىنا» قورىنىڭ بيىلعى ءۇش ايدا اتقارعان جۇمىسىنىڭ ناتيجەلەرى تۋرالى ەسەپ بەرىلدى.
الماسادام ساتقاليەۆ پرەزيدەنتكە قوردىڭ وندىرىستىك, قارجىلىق كورسەتكىشتەرى مەن وسى جىلعا ارنالعان بولجامدارى جونىندە باياندادى. بەرىلگەن مالىمەتتەرگە سايكەس قور قازىرگى ۋاقىتتا جوسپارلانعان كورسەتكىشتەرگە قول جەتكىزگەن. وسى قارقىن بيىل ساقتالادى دەپ كۇتىلۋدە.
باسقارما توراعاسى مەملەكەت باسشىسىنا قوردىڭ ماڭىزدى جوبالارىنىڭ جۇزەگە اسىرىلۋ بارىسى جانە ولاردىڭ سانىن كوبەيتۋ مۇمكىندىگى تۋرالى ايتتى.
كەزدەسۋ قورىتىندىسى بويىنشا قاسىم-جومارت توقاەۆ «سامۇرىق-قازىنا» اكتسيونەرلىك قوعامىنىڭ جۇمىسىنا قاتىستى بىرقاتار ناقتى تاپسىرما بەردى.