ءاليحان سمايىلوۆ ەەك القاسىنىڭ توراعاسى ميحايل مياسنيكوۆيچپەن كەزدەستى

كەزدەسۋ بارىسىندا ەۋرازيالىق ەكونوميكالىق ينتەگراتسيانى دامىتۋدىڭ 2025 جىلعا دەيىنگى ستراتەگيالىق باعىتتارىنىڭ جوباسىن دايىنداۋ بارىسى, ەاەو شەڭبەرىندە تەحنيكالىق رەتتەۋدىڭ بىرىڭعاي بازاسىن جەتىلدىرۋ, سونداي-اق ەۋرازيالىق ۇكىمەتارالىق كەڭەستىڭ الداعى وتىرىسىن وتكىزۋ ماسەلەلەرى تالقىلاندى. ءا. سمايىلوۆتىڭ ايتۋىنشا, ءوزارا ءتيىمدى شەشىمدەر قابىلداۋعا باسىمدىق بەرۋ ۇيىمنىڭ باعىتىنا تولىق سايكەس كەلەدى, مۇنى ۇيىم جۇمىس ىستەگەن كەزەڭدە ءوزارا ساۋدانىڭ ەداۋىر ءوسۋى ناقتى كورسەتىپ وتىر.

ماسەلەن, ەاەو قىزمەتى كەزەڭدە قازاقستاننىڭ ارىپتەستەرىمەن ءوزارا ساۋداسى 37,5%-عا, ونىڭ ىشىندە ەكسپورت 33%-عا ءوستى.

ء«بىزدىڭ الدىمىزدا ءتۇرلى سالالارداعى, ءبىرىنشى كەزەكتە ونەركاسىپتەگى كووپەراتسيا كاسىپورىندارمەن بىرلەسىپ ينتەگراتسيالىق جوبالاردى ىسكە اسىرۋ بويىنشا ۇلكەن جۇمىس كۇتىپ تۇر. وتكەن جىلى قازاقستان ەاەو-نىڭ جارعىلىق ورگاندارىندا توراعالىق ەتۋشى تاراپ بولدى. ءبىزدىڭ مەملەكەت باسشىمىز ق. توقاەۆ وتكەن جىلدىڭ باسىندا ءبىزدىڭ ۇيىمعا توراعالىق ەتۋىمىزدىڭ باسىم باعىتتارىن بەلگىلەدى, پرەزيدەنتتىڭ ۇندەۋىندە كورسەتىلگەن وسى باعىتتار بىرلەسكەن كۇش-جىگەرىمىزدىڭ ارقاسىندا سول كەزەڭدە تابىستى ىسكە اسىرىلدى دەپ سەنىممەن ايتۋعا بولادى جانە بيىلعى جىلى ولاردى جۇزەگە اسىرۋ جالعاسۋدا», ءا. سمايىلوۆ.

قازاقستان مەن ەاەو ەلدەرى اراسىنداعى تاۋار اينالىمى 2021 جىلى 26,1 ميلليارد دوللار بولدى, بۇل 2020 جىلعا قاراعاندا 28 پايىزعا جوعارى. قازاقستاننان ەاەو ەلدەرىنە ەكسپورت 2021 جىلى 34,9 پايىز دوللارعا ءوسىپ, 7,6 ميلليارد دوللارعا جەتتى. ەاەو ەلدەرىنەن قازاقستانعا يمپورت 2021 جىلى 25,4 پايىزعا ءوسىپ, 18,4 ميلليارد دوللار بولدى.