ءۇندىستاننىڭ وڭتۇستىك-شىعىسىنداعى اندحرا-پرادەش شتاتىندا قاتتى مۋسسوندىق نوسەر جانە ونىڭ سالدارىنان بولعان سۋ تاسقىنىنان كەم دەگەندە 41 ادام قازا تاپتى, 100-دەن استام تۇرعىن ءىز-ءتۇزسىز جوعالدى, دەپ حابارلايدى Egemen.kz.
بۇل تۋرالى The Times of India باسىلىمى جازادى.
18 قاراشا كۇنى كەشكە باستالعان نوسەر سالدارىنان رايالاسيما مەن نەللۋرۋ وكرۋگتەرىندە 1 316 اۋىلدى سۋ باسىپ, ونداعى قالىپتى ءومىردى بۇزدى. سۋ تاسقىنى سالدارىنان تيرۋپاتي قالاسىنداعى كوپىرلەر قيراپ, قالاعا اپاراتىن تەمىرجول جانە اۆتوكولىك قاتىناسى توقتادى.
بيلىك زارداپ شەككەن اۋدانداردا قۇتقارۋ جۇمىستارىن جۇرگىزىپ جاتىر. وعان اۋە كۇشتەرى مەن تابيعي اپاتتارمەن كۇرەس جونىندەگى قىزمەتتىڭ تىكۇشاقتارى جۇمىلدىرىلدى.