نيگەريانىڭ ويو شتاتىنداعى تۇرمەگە قارۋلى ادامدار توبىنىڭ شابۋىلى كەزىندە 800-گە جۋىق تۇتقىن قاشىپ كەتتى. تۇزەۋ مەكەمەسىنىڭ قىزمەتكەرلەرى 250-دەن استام ادامدى ۇستاپ, تۇرمەگە قايتاردى. ال جاسىرىنىپ ۇلگەرگەن 575 ادام قازىرگى ۋاقىتتا ىزدەۋدە, دەپ حابارلايدى Egemen.kz The Sun Nigeria باسىلىمىنا سىلتەمە جاساپ.
تۇرمەگە شابۋىل جاساعاندار اتىس قارۋلارىن, گراناتالار مەن ديناميتتەردى قولداندى. ولاردىڭ كومەگىمەن شابۋىلداۋشىلار تۇرمە قابىرعاسىنىڭ ءبىر بولىگىن جارىپ جىبەردى. سودىرلاردىڭ جەكە تۇلعالارى ءالى انىقتالعان جوق.
تۇرمەنىڭ ىشكى بولمەلەرى, مەكەمە وكىلى اتاپ وتكەندەي, جويىلعان جوق.
ويوداعى تۇرمە 2007 جىلى سالىنعان. ول 160 تۇتقىنعا ارنالعان, بىراق شابۋىل كەزىندە ونىڭ ىشىندە 907 ادام بولعان. ولاردىڭ 92%-ى سوت ۇكىمىن كۇتتى, تەك 64 ادام عانا ءوز مەرزىمىن وتەپ وتىرعان.