«الماتى – ماڭعىستاۋ» جانە «الماتى – وسكەمەن» جولاۋشىلار پويىزىندا ايەلدەرگە ارنالعان ۆاگون بار, دەپ جازادى Egemen.kz.
10 قازاندا جولعا شىققان رەيسكە 92 ايەل بيلەت العان. ال بۇگىن الماتىدان وسكەمەنگە اتتانعان پويىزداعى ۆاگونعا بار-جوعى جەتى ايەل بيلەت العان. ۇلتتىق تاسىمالداۋشى كومپانيا وكىلدەرى بۇل شارا ءبىرىنشى كەزەكتە قاۋىپسىزدىك ءۇشىن قولعا الىنعانىن ايتادى. بۇل پويىزبەن ەر-ازامات اتاۋلىدان تەك اناسىمەن بىرگە جەتى جاسقا دەيىنگى ۇل بالالار عانا جۇرە الادى. ەگەر ايەلدەرگە ارنالعان ۆاگونعا سۇرانىس ارتسا, قوسىمشا ۆاگوندار قاراستىرىلماق.