«اسىل دومبىرا» كىمگە بۇيىردى؟

الامان ايتىسقا ءتورت ىرىك­تەۋ كەزەڭىنەن سۇرىنبەي وتكەن 18 اقىن قاتىستى. جىر دودا­نىڭ باستى ەرەكشەلىگى اقىن­داردىڭ جۇبى جۇرت الدىندا جەرەبەمەن انىقتالىپ وتىر­دى. جىل باسىنان بەرى 4 كە­زەڭنەن وربىگەن ىرىكتەۋگە بار­لىعى 47 اقىن قاتىسقان بولاتىن. ايتىس اقىندارى مەن جىرشى-تەرمەشىلەر وداعىنىڭ توراعاسى ءجۇرسىن ەرمان بۇل ايتىس تاريحىندا بۇرىن-سوڭدى بولماعان كورسەتكىش ەكەنىن, وسى جوبا ەڭ اۋقىمدى باسەكە بولعانىن ايتادى.

اۋزىمەن قۇس تىستەگەن اقىن­دار ءوز جىرىنا تاۋەلسىزدىك جە­تىس­تىكتەرىن, ۇلت مۇراسى مەن ۇرپاق تاعىلىمىن ارقاۋ ەتتى. كەزى كەلگەندە قوعامداعى تۇيت­كىلدى پروبلەمالاردى تۇيرەپ ايتىپ, جىرسۇيەر اعايىن­نىڭ كوڭىلىنەن شىقتى. قا­زاقستاننىڭ ەڭبەك ەرى ءاسانالى ءاشىموۆ تور­اعالىق ەتكەن قازىلار ال­قاسىنا ناعىز جەڭىمپازدى انىقتاۋ وڭايعا سوققان جوق. تاپقىرلىق, ۇت­قىر­لىق, كور­كەمدىك, سۋىرىپ سا­لۋ ايتىستى باعالاۋدىڭ باستى تالابى رەتىندە قويىلدى.

ءسوز بارىمتاسىندا ورامدى وي, ايشىقتى تىركەسىمەن كورەرمەن كوزايىمىنا اي­نالعان الماتىلىق قازىرەت بەردىحان اسىل تاستارمەن كوم­كەرىلگەن ايرىقشا دوم­بىرانىڭ يەگەرى اتانىپ, ASSYL DOMBYRA ايتى­سى­نىڭ جەڭىمپازى دەپ تا­نىلدى. ايتىس ساحناسىن­دا وزىنە ءتان ورنەگى بار قىزىل­وردالىق مۇحتار نيازوۆ II ورىندى ەنشىلەسە, ەكى III ورىن وسكەمەندىك سەرىك قۋانعان مەن سىر ءوڭىرىنىڭ تۋماسى جۇيرىك اقىن مەيىربەك سۇلتانحانعا بۇيىردى.

قازىلار القاسىنىڭ شەشى­مىمەن شۇعايىپ سەزىمحان, ايبەك جەڭىسقازين, نۇرلان ەسەن­قۇلوۆ قاتارلى ءۇش اقىنعا ىنتا­لاندىرۋ سىيلىعى بەرىلدى.

ال قۇنى 2 ملن 400 مىڭ تەڭگەنى قۇرايتىن ASSYLTAS ستيپەندياسى رينات زايىتوۆقا بەرىلدى.

«ايتىس – ەجەلدەن كەلە جات­قان اسىل مۇرامىز. بۇل ونەر­دىڭ الەم ءۇشىن دە ورنى بولەك. سون­دىقتان يۋنەسكو ايتىس­تى ادامزاتتىڭ مادەني مۇرا­لارىنىڭ تىزىمىنە قو­سىپ وتىر. بيىلعى ASSYL DOMBYRA اقىندار ايتىسى تاۋەلسىزدىكتىڭ 30 جىلدىعى مەن ءجۇرسىن ەرماننىڭ 70 جاس مەرەيتويى­نا وراي وتكىزىلدى. سونداي-اق ءار ىرىكتەۋ كەزەڭى جامبىل جاباەۆتىڭ 175 جىل­دىعىنا, مۇقاعاليدىڭ 90 جاس مەرەيتويى مەن قاسىم امان­جولوۆتىڭ 110 جىل­دى­عىنا دا ارنالدى. سۋپەر فينالدا اقىندار قوعام­داعى وزەك­تى پروبلەمالار­دى قوزعاپ, كو­رەرمەندەر ناعىز ايتىستىڭ كۋاسى بولدى. سەبەبى اقتىق باسە­كەدە كىل مىقتىلار ونەر كور­سەتتى. كورەرمەن ناعىز تار­تىس­­قا تولى بيىك دەڭگەيدەگى اي­­تىس­تاردىڭ كۋاسى بولدى», دەيدى ASSYLTAS قوعامدىق قو­رىنىڭ قۇرىلتايشىسى دۋلات تاستەكەەۆ.