پاراپاۋەرليفتينگ شەبەرلەرى كەزەكتى رەت ەلورداعا جينالدى. مۇندا قازىر كوماندالىق ەل چەمپيوناتى ءوتىپ جاتىر. وعان قوسا پارالەل جاستار اراسىنداعى ىشكى بىرىنشىلىك تە باستالدى, دەپ جازادى Egemen.kz.
جارىسقا باس-اياعى 65 سپورتشى جينالدى. ولار ەندى 10 قازانعا دەيىن ءوزارا مىقتىنى انىقتايدى. ناتيجەسىندە جەڭىمپاز اتانعاندار ۇلتتىق قۇراماعا الىنىپ, حالىقارالىق دودالاردا ەل نامىسىن قورعايدى. ونىڭ ىشىندە پاريجدەگى پاراليمپيادانىڭ ىرىكتەۋ سىندارى دا بار.
ايتا كەتەيىك, توكيوداعى ويىنداردا ۇلتتىق قۇراما ساپىنداعى داۆيد دەگتياريوۆ تاريحي جەڭىسكە جەتكەن ەدى. ول جەرلەستەرىمىز اراسىنان ەڭ العاش بولىپ التىن جۇلدە جەڭىپ الدى. سونىڭ ارقاسىندا قازىر وتاندىق پاراپاۋەرليفتينگتە ۇلكەن ءدۇمپۋ بايقالادى. قاتىسۋشىلار قاتارى ارتىپ, ىشكى باسەكە كۇشەيىپ كەلەدى.