بۇگىن قوعامدىق كەڭەستىڭ توراعاسى دارحان مىڭبايدىڭ باسشىلىعىمەن ونلاين-فورماتتا «ZOOM» ارقىلى اقپارات جانە قوعامدىق دامۋ سالاسىنداعى قوعامدىق كەڭەستىڭ كەزەكتى وتىرىسى ءوتتى, دەپ حابارلايدى Egemen.kz.
وتىرىس تاقىرىبى مەملەكەت باسشىسى قاسىم-جومارت توقاەۆتىڭ 2021 جىلعى 1 قىركۇيەكتەگى «حالىق بىرلىگى جانە جۇيەلى رەفورمالار – ەل وركەندەۋىنىڭ بەرىك نەگىزى» اتتى قازاقستان حالقىنا جولداۋىن ىسكە اسىرۋ شارالارىنا ارنالدى.
شارا بارىسىندا پرەزيدەنتتىڭ جولداۋىن ىسكە اسىرۋدىڭ اۋىلدىق جەرلەردەگى ازاماتتىق باستامالاردى قولداۋدىڭ ءتيىمدى تەتىگىن ازىرلەۋ, قازاقستانداعى 2030 جىلعا دەيىنگى وتباسىلىق جانە گەندەرلىك ساياسات تۇجىرىمداماسىنا ايەلدەردىڭ قوعامداعى قۇقىقتارى مەن مۇمكىندىكتەرىن كوتەرمەلەۋ جانە ىلگەرىلەتۋ بولىگىندە وزگەرىستەر ەنگىزۋ سياقتى ماڭىزدى ماسەلەلەرى قوزعالدى.
قوعامدىق كەڭەستىڭ كەزەكتى وتىرىسىن اعىمداعى جىلدىڭ جەلتوقسان ايىندا وتكىزۋ جوسپارلانىپ وتىر.