كوروناۆيرۋس جۇقتىرعان ناۋقاسپەن بايلانىستا بولعاندار ءۇشىن وقشاۋلاۋ ءتارتىبى وزگەردى

قۇجاتقا سايكەس, COVID-19 راستالعان جاعدايىنىڭ جاقىن بايلانىسى بىلاي انىقتالادى:

- COVID-19 جاعدايىمەن ءبىر تۇرعىن ۇيدە بىرگە تۇراتىن ادام;

- COVID-19-بەن اۋىراتىن ناۋقاسپەن نەمەسە COVID-19 جاعدايىنىڭ ينفەكتسيالىق بولىندىلەرىمەن قورعالماعان تىكەلەي بايلانىستا بولعان ادام (مىسالى, جوتەلۋ, قول الىسۋ كەزىندە جانە ت.ب.);

- جقق (قورعانىش ماسكاسىن) پايدالانباي جابىق ءۇي-جايدا (مىسالى, سىنىپتا, كەڭەسكە ارنالعان بولمەدە, اۋرۋحاناداعى كۇتۋ بولمەسىندە جانە ت. ب.) COVID-19 جاعدايىمەن بىرگە 15 مينۋت نەمەسە ودان كوپ ۋاقىت ىشىندە 1,5 مەتردەن كەم قاشىقتىقتا بولعان ادام;

- COVID-19 جاعدايىنا تىكەلەي كۇتىمدى قامتاماسىز ەتەتىن مەديتسينا قىزمەتكەرى نەمەسە باسقا دا ادام نەمەسە ۇسىنىلعان جقق-سىز نە جقق-نى قولدانۋدى بۇزۋ مۇمكىندىگىمەن COVID-19 جاعدايىنىڭ بيوۇلگىلەرىمەن جۇمىس ىستەگەن زەرتحانا ماماندارى;

- ۇشاقتا, قالاارالىق قاتىناستاعى اۆتوبۋستا, پوەزدا, COVID-19-بەن اۋىراتىن ناۋقاستان كەز كەلگەن باعىتتا ەكى ورىندىق قاشىقتىقتا بولعان بايلانىستا بولعان ادام, سونداي-اق COVID-19-بەن اۋىراتىن ناۋقاس ۇشقان ۇشاقتىڭ سەكتسياسىنا قىزمەت كورسەتكەن ەكيپاج مۇشەلەرى رەتىندە ايقىندالادى.

جاقىن بايلانىستا بولعانداردى انىقتاۋ ءۇشىن ەپيدەميولوگيالىق بايلانىستاردى تەرگەپ-تەكسەرۋ كەزەڭى COVID-19 جاعدايى انىقتالعانعا دەيىن 14 تاۋلىك بۇرىن باستالۋى جانە COVID-19 جاعدايىن وقشاۋلاۋ ساتىمەن اياقتالۋى ءتيىس.

سونداياق COVID-19-بەن اۋىراتىن ناۋقاسپەن بايلانىستا بولعان ادامدارعا قاتىستى شارالار (جاقىن بايلانىس) جاريالاندى:

1) COVID-19-عا قارسى ۆاكتسيناتسيانىڭ تولىق كۋرسىن العانى تۋرالى قۇجاتتامالىق راستاۋ بولماعان كەزدە COVID-19-بەن اۋىراتىن ناۋقاسپەن بايلانىستا بولعان ادامدار (جاقىن بايلانىس) 14 كۇنگە ۇيدە وقشاۋلاۋعا ء(ۇي كارانتينى) جاتادى. وقشاۋلاۋدىڭ 3-ءشى كۇنى پتر ادىسىمەن COVID-19-عا بايلانىستا بولعان ادامدى (جاقىن بايلانىس) زەرتحانالىق تەكسەرۋ ءۇشىن سىناما الۋ جۇرگىزىلەدى. پتر زەرتتەۋ تەرىس بولعان جاعدايدا مساك مامانى كۇن سايىن 14 كۇن بويى تەلەفون ارقىلى بايلانىستا بولعان ادامنان ونىڭ دەنساۋلىق جاعدايىن (دەنە تەمپەراتۋراسى, اۋرۋ بەلگىلەرىنىڭ بولۋى) ناقتىلايدى, 14 كۇن وتكەننەن كەيىن COVID-19 بەلگىلەرى بولماعان جاعدايدا كارانتين مەن وقشاۋلاۋ اياقتالادى. پتر-زەرتتەۋدىڭ وڭ ناتيجەسى بولعان كەزدە مساك مامانى سانيتاريالىق-ەپيدەميولوگيالىق كوميتەتتىڭ اۋماقتىق بولىمشەسىنە COVID-19-بەن اۋىراتىن ناۋقاسقا جەدەل حابارلاما بەرەدى.

2) COVID-19-عا قارسى ۆاكتسيناتسيالاۋدىڭ تولىق كۋرسىن العانى تۋرالى قۇجاتتامالىق راستاۋ بولعان كەزدە COVID-19-بەن اۋىراتىن ناۋقاسپەن بايلانىستا بولعان ادامدار (جاقىن بايلانىس) مساك مامانىنىڭ مەديتسينالىق تەكسەرۋىنە جاتادى. COVID-19 بەلگىلەرى بولماعان كەزدە بايلانىستا بولعان ادامدار ءۇي كارانتينىنە وقشاۋلانبايدى, COVID-19-عا زەرتحانالىق تەكسەرۋ جۇرگىزىلمەيدى, مساك مامانى كۇن سايىن 14 كۇن بويى تەلەفون ارقىلى بايلانىستا بولعان ادامنان ونىڭ دەنساۋلىق جاعدايىن (دەنە تەمپەراتۋراسى, اۋرۋ بەلگىلەرىنىڭ بولۋى) ناقتىلايدى. اۋرۋدىڭ بەلگىلەرى پايدا بولعان كەزدە بايلانىستا بولعان ادام پتر-تەست ناتيجەلەرىن العانعا دەيىن پتر ادىسىمەن COVID-19-عا زەرتحانالىق تەكسەرۋگە جانە ۇيدە وقشاۋلاۋعا ء(ۇي كارانتينى) جاتادى. COVID-19 دياگنوزى راستالعان كەزدە مساك مامانى سانيتاريالىق-ەپيدەميولوگيالىق باقىلاۋ كوميتەتىنىڭ اۋماقتىق بولىمشەسىنە COVID-19-بەن اۋىراتىن ناۋقاسقا شۇعىل حابارلاما بەرەدى.

سيمپتومسىز ۆيرۋس تاسىمالداۋشىلىق كەزىندە پاتسيەنت امبۋلاتوريالىق جاعدايدا مەديتسينالىق باقىلاۋعا جانە وسى قاۋلىعا 36-قوسىمشاعا سايكەس وقشاۋلاۋ جاعدايلارى بولعان كەزدە COVID-19-بەن اۋىراتىن ناۋقاسپەن سوڭعى بايلانىستا بولعان ساتتەن باستاپ 14 كۇنگە ۇيدە وقشاۋلاۋعا ء(ۇي كارانتينى) جاتادى. بەكىتىلگەن الگوريتمگە سايكەس تاۋەكەل فاكتورلارى بولعان جانە ۇيدە وقشاۋلاۋ ءۇشىن جاعدايلار بولماعان كەزدە ەمدەۋگە جاتقىزۋ تۋرالى شەشىمدى مساك مامانى ءاربىر جاعدايدا جەكە قابىلدايدى.

ۋچاسكەلىك تەراپەۆت كۇن سايىن كوروناۆيرۋستىق ينفەكتسيانىڭ كلينيكالىق سيمپتومدارىنىڭ بولۋىنا ءۇي كارانتينىندەگى سيمپتومسىز ۆيرۋس تاسىمالداۋشىعا قوڭىراۋ شالۋعا مىندەتتى. COVID-19-بەن اۋىراتىن ناۋقاسپەن سوڭعى بايلانىستا بولعان ساتتەن باستاپ 14 كۇن ىشىندە كلينيكالىق سيمپتومدار بولماعان جاعدايدا كارانتين اياقتالادى. كارانتين اياقتالعان كەزدە مساك مامانى سيمپتومسىز ۆيرۋس تاسىمالداۋشىعا COVID-19 پروفيلاكتيكا شارالارىن ساقتاۋ قاجەتتىلىگى تۋرالى ۇسىنىمدار بەرەدى (مەديتسينالىق ماسكانى, انتيسەپتيكتەردى پايدالانۋ, قول گيگيەناسى, الەۋمەتتىك قاشىقتىق), دەلىنگەن قۇجاتتا.

ءۇي كارانتينىندەگى سيمپتومسىز ۆيرۋس تاسىمالداۋشىدا اۋرۋدىڭ كلينيكالىق بەلگىلەرى پايدا بولعان كەزدە (دەنە تەمپەراتۋراسىنىڭ 38 گرادۋسقا دەيىن جانە ودان جوعارى كوتەرىلۋى, تاماقتىڭ جىبىرلاۋى جانە/نەمەسە اۋىرۋى, السىزدىك, جوتەل, باس اۋىرۋى, ەنتىگۋ, تىنىس الۋدىڭ قيىنداۋى جانە كوروناۆيرۋستىق ينفەكتسيانىڭ باسقا دا سيمپتومدارى) ۋچاسكەلىك تەراپەۆت سانيتاريالىق-ەپيدەميولوگيالىق باقىلاۋ كوميتەتىنىڭ اۋماقتىق بولىمشەسىنە COVID-19-بەن اۋىراتىن ناۋقاسقا جەدەل حابارلاما بەرەدى.

جەدەل حابارلاما كەلىپ تۇسكەن سانيتاريالىق-ەپيدەميولوگيالىق باقىلاۋ كوميتەتىنىڭ اۋماقتىق بولىمشەسى وسى COVID-19-بەن اۋىراتىن ناۋقاستى تىركەۋدى جانە ەسەپكە الۋدى جۇزەگە اسىرادى, ونى سيمپتومسىز ۆيرۋس تاسىمالداۋشىلاردىڭ ەسەبىنەن الىپ تاستايدى, سونداي-اق سيمپتومسىز ۆيرۋس تاسىمالداۋشىلىق جاعدايلارىنىڭ مانيفەستىك نىساندارعا (سيمپتومدارى بار جاعدايلار) اۋىسۋىنىڭ جەكە ستاتيستيكاسىن جۇرگىزەدى.

ودان بولەك COVID-19-بەن اۋىراتىن ناۋقاسپەن بايلانىستا بولعان ادامنىڭ جانە شەتەلدەن قازاقستان رەسپۋبليكاسىنا اۆيارەيستەرمەن كەلگەن ادامدارعا قاتىستى قولدانىلاتىن شارالار دا قۇجاتتا انىق كورسەتىلگەن.