قازاقستان رەسپۋبليكاسىنىڭ باس مەملەكەتتىك سانيتاريالىق دارىگەرىنىڭ 2021 جىلعى 2 قىركۇيەكتەگى № 38 قاۋلىسىنا وزگەرىستەر ەنگىزىلدى, دەپ حابارلايدى Egemen.kz.
وعان سايكەس, دەنساۋلىق ساقتاۋ ۇيىمىندا, جەدەل مەديتسينالىق جاردەم كولىگىندە, كارانتين ءۇشىن جەرگىلىكتى اتقارۋشى ورگاندار ايقىنداعان ءۇي-جايلاردا پاتسيەنتتەر مەن مەديتسينا قىزمەتكەرى كەلىسىمىنسىز اۋديو, فوتو جانە ۆيدەو ءتۇسىرۋدى شەكتەۋ تارماقشاسى الىنىپ تاستالدى.
سونداي-اق ەندى مەديتسينا قىزمەتكەرلەرىنىڭ ۇيدە مەديتسينالىق كومەك كورسەتۋى, وشاقتا ەپيدەميولوگيالىق تەكسەرۋ جۇرگىزۋى كەزىندە, ناۋقاس پەن ونىمەن بايلانىستا بولعان ادامدار اراسىندا ساۋالناما جۇرگىزۋ بارىسىندا اۋديو, فوتو جانە ۆيدەو تۇسىرۋگە رۇقسات بەرىلدى.
قاۋلى 2021 جىلعى 20 قىركۇيەكتە ساعات 00-دەن باستاپ كۇشىنە ەنەدى.