شىعىس قازاقستان وبلىسى بويىنشا سىبايلاس جەمقورلىققا قارسى قىزمەت كولىكتىك باقىلاۋ ينسپەكتسياسىنىڭ 11 قىزمەتكەرىنەن تۇراتىن قىلمىستىق توپ قىزمەتىنىڭ جولىن كەستى, دەپ حابارلايدى Egemen.kz.
قىلمىستىق سحەمانى ينسپەكتسيا بولىمدەرىنىڭ ءبىرىنىڭ باسشىسى ۇيىمداستىرعان.
اتالعان لاۋازىمدى تۇلعالار وڭىردەگى جالپى قامقورلىق پەن كەدەرگىسىز ءجۇرىپ-تۇرۋ ءۇشىن جۇك تاسىمالداۋ سالاسىنداعى كاسىپكەرلەردەن پارا العان.
پارا سوماسى 10 000-نان 50 000 تەڭگەگە دەيىنگى ارالىقتى قۇراعان. ونى جۇك كولىگى جۇرگىزۋشىلەرى قول الىسۋ كەزىندە ينسپەكتسيا قىزمەتكەرلەرىنە بەرىپ وتىرعان.
الىنعان پارالاردىڭ كۇندەلىكتى اينالىمى 150 مىڭنان 500 مىڭ تەڭگەگە دەيىن بارعان.
بارلىعى اقشا اۋدارىمىنىڭ 20-دان استام ەپيزودتارى قۇجاتتالدى.
4 ادامعا قاتىستى سوت «قاماۋعا الۋ» بۇلتارتپاۋ شاراسىن تاڭدادى, قالعان لاۋازىمدى تۇلعالار كىناسىن تولىق مويىندادى جانە تەرگەۋمەن بەلسەندى ىنتىماقتاستىققا كەلدى.
قازىرگى ۋاقىتتا اگەنتتىك اتالعان قىلمىستىق سحەمانى جويۋ جانە وسىعان ۇقساس جەمقورلىق قۇقىق بۇزۋشىلىقتارىن جاساۋعا جول بەرمەۋ بويىنشا كەشەندى الدىن الۋ جۇمىستارىن باستادى.