قازاقستاندا كوروناۆيرۋس ءوسىمى 35 پايىزعا تومەندەدى. بۇل تۋرالى ۇكىمەت وتىرىسىندا قر دەنساۋلىق ساقتاۋ ءمينيسترى الەكسەي تسوي ايتتى, دەپ حابارلايدى Egemen.kz.
«الەمدە COVID-19-بەن ناۋقاستانۋ جانە ودان ءولىم-جىتىمگە قاتىستى احۋال ءالى دە قۇبىلمالى بولىپ تۇر. الەمدە جالپى كۆي-ءدىڭ 244 ملن-نان استام جاعدايى تىركەلگەن.
كۇن سايىن 300 مىڭنان استام جاعداي تىركەلىپ جاتىر. 4,6 ملن-نان استام ادام قازا تاپتى. دۇنيەجۇزىلىك دەنساۋلىق ساقتاۋ ۇيىمىنىڭ ەۋروپالىق ءوڭىرى مالىمەتتەرىنە سايكەس, سوڭعى 2 اپتادا 54 ەلدىڭ 26-دا اۋرۋدىڭ ءوسىمى بايقالادى», دەدى مينيستر.
ونىڭ ايتۋىنشا, سوڭعى 7 كۇندە كوروناۆيرۋستىڭ ەڭ جوعارى ءوسىمى ماجارستاندا - 100 پايىز, ۋكراينا, پولشا, مولدوۆادا - 60-80 پايىز, اۋستريا, گەرمانيا, بەلارۋستە - 30-50 پايىز, چەرنوگوريا, ارمەنيا جانە يزرايلدە 8-20 پايىز بولعان. ال يسپانيادا اۋرۋ ءوسىمى - 60, فرانتسيادا - 40, گرۋزيادا - 39, ازەربايجاندا - 16, يتاليادا - 13, شۆەيتساريادا - 12, رەسەيدە 9 پايىزعا تومەندەگەن.
«قازاقستاندا اۋرۋ ءوسىمى سوڭعى 2 اپتادا 35 پايىزعا تومەندەدى», دەدى الەكسەي تسوي.
سوڭعى اپتادا قازاقستاندا اۋرۋ دەڭگەيى 14 پايىزعا تومەندەپ, اپتاسىنا 31 مىڭ جاعدايدان 25 مىڭعا دەيىن قىسقاردى.