جۇيەلى مونيتورينگ بارىسىندا BTS Digital كومپانياسى Ashyq قولدانباسىنىڭ ينتەرفەيسىن قايتالاي وتىرا, ايلاكەرلىك جولمەن پايدالانۋشىلاردىڭ بانك ەسەپشوتتارىنىڭ لوگينى مەن ءپارولىن جينايتىن فيشينگتىك https://ashyq.info سايتىن انىقتادى, دەپ جازادى Egemen.kz.
پايدالانۋشى اتالعان سايتقا تاپ بولعاندا, ونىڭ تەلەفون ءنومىرى مەن جسن-ءى سۇرالىپ, ودان سوڭ ايىپپۇلدارىنىڭ بار ەكەنى حابارلانادى. ايىپپۇلداردى Kaspi نەمەسە HomeBank ارقىلى تولەۋ ۇسىنىلادى.
ودان ءارى ول بانكتەردىڭ رەسمي سايتتارىنىڭ ورنىنا ايلاكەرلەر پايدالانۋشىلاردى فيشينگتىك رەسۋرستارعا كوشىرەدى. ەگەر پايدالانۋشى Kaspi ارقىلى تولەۋدى تاڭداسا, وندا ول تەلەفون ءنومىرى مەن Kaspi.kz اككاۋنتىنىڭ ءپارولىن تولتىرۋى قاجەت. ال ەگەر HomeBank ارقىلى تولەۋدى ءجون كورسە, وندا نە HomeBank-تەگى بانك ەسەپشوتىنىڭ سايكەستەندىرگىشىن, نە بولماسا myHalyk اككاۋنتىنىڭ لوگينىن نەمەسە پايدالانۋشىنىڭ سەنىمدى ءنومىرىن ۇسىنۋى ءتيىس بولادى.
الاياقتىق ارەكەتتىڭ كەلەسى قادامى - اككاۋنت ءپارولىن سۇراتىپ, پايدالانۋشىنىڭ بانك اككاۋنتىنا ءوتۋ. وسىنداي جولمەن الاياقتار ازاماتتاردىڭ دەربەس دەرەكتەرىن جانە بانك ەسەپشوتتارىنىڭ, ەسەپتىك جازبالارى مەن اككاۋنتتارىنىڭ اۆتوريزاتسيالىق دەرەكتەرىن قولعا ءتۇسىرىپ, ولاردىڭ اقشالاي قاراجاتتارىنا زاڭسىز يەلىك ەتۋى مۇمكىن.