ۇندىستانداعى كارناتاكا بيلىگى كورشى كەرالا شتاتىندا قاۋىپتى Nipah ۆيرۋسى تابىلعاننان كەيىن بىرقاتار اۋدانداردا جوعارى دابىل رەجيمىن جاريالادى, دەپ حابارلايدى Egemen.kz.
ءۇندىستاننىڭ كەرالا شتاتىنداعى 11 ادامدا ولىمگە اكەلەتىن Nipah ۆيرۋسىنىڭ بەلگىلەرى انىقتالدى, دەپ حابارلادى ريا نوۆوستي ايماقتىڭ دەنساۋلىق ساقتاۋ مينيسترلىگىنە سىلتەمە جاساپ.
بۇل ادامداردىڭ بارلىعى Nipah ۆيرۋسىنان قايتىس بولعان 12 جاستاعى بالامەن بايلانىستا بولدى. بالا قايتىس بولعاننان كەيىن شتات دارىگەرلەرى ونىمەن بايلانىسقان 251 ادامعا كارانتين جاريالادى.
كەرالادان كەلگەندەر, كارناتاكا دەنساۋلىق ساقتاۋ مينيسترلىگىنىڭ ۇسىنىستارىندا ايتىلعانداي, قىزبا, پسيحيكالىق جاعدايدىڭ وزگەرۋى, قاتتى السىزدىك, باس اۋرۋى, تىنىس الۋدىڭ بۇزىلۋى, جوتەل, قۇسۋ, بۇلشىقەت اۋرۋى, قۇرىسۋلار جانە ديارەيا سياقتى بەلگىلەردىڭ بولۋىن باقىلاۋ كەرەك.
كارناتاكا دەنساۋلىق ساقتاۋ ءمينيسترى كەشاۆا سۋدحاكاردىڭ ايتۋىنشا, شتاتتا بۇل قاۋىپتى اۋرۋدىڭ بىردە-ءبىر جاعدايى تىركەلگەن جوق.
Nipah ۆيرۋسى جارقاناتتار مەن تىشقاندارمەن تارالادى. دۇنيەجۇزىلىك دەنساۋلىق ساقتاۋ ۇيىمى بۇل ۆيرۋستى الەمدەگى ەڭ قاۋىپتى دەپ اتادى. وعان قارسى ءدارى-دارمەكتەر مەن ۆاكتسينالار جوق, ال اۋرۋدىڭ ءولىم دەڭگەيى - 75%-دى قۇرايدى.
سونداي-اق, ددسۇ Nipah ۆيرۋسىنا بايلانىستى پاندەميانىڭ باستالۋ مۇمكىندىگى تۋرالى ەسكەرتتى.