بەكشين الماتىداعى ەپيداحۋال تۋرالى ايتتى

جانداربەك بەكشيننىڭ ايتۋىنشا, 9 قىركۇيەككە قاراي الماتىداعى كوروناۆيرۋسقا بايلانىستى جاعداي تۇراقتالعان. الايدا ەپيدەميولوگيالىق جاعدايدى باعالاۋ ماتريتساسىندا قالا «قىزىل» ايماقتا ورنالاسقان.

«جىل باسىنان بەرى 137 مىڭ جاعداي تىركەلگەن, تامىزدا - 47 مىڭعا جۋىق, ال قىركۇيەكتىڭ باسىنان بەرى توعىز مىڭعا جۋىق جاعداي تىركەلگەن. 25 تامىزدان باستاپ ەپيدەميانىڭ ءتورتىنشى تولقىنى باسەڭدەپ, ەپيدەميانىڭ تۇراقتانۋى بايقالادى, بۇل COVID-19-دىڭ ءۇندى نۇسقاسىنا بايلانىستى. ەگەر 25 تامىزدا 1 605 جاعداي تىركەلگەن بولسا, 8 قىركۇيەكتە - 976 جاعداي. قالا تۇرعىندارى اراسىندا اۋرۋشاڭدىق تومەندەگەنى بايقالادى. بۇل - بۇگىندە الماتى حالقىنىڭ 46 پايىزىندا يممۋنيتەت قالىپتاسۋىنا بايلانىستى. بىراق بوساڭسۋعا ءالى ەرتە», دەدى قالالىق سانيتارلىق-ەپيدەميولوگيالىق باقىلاۋ دەپارتامەنتىنىڭ باسشىسى.

سونىمەن قاتار بەكشين كوروناۆيرۋستىڭ تارالۋى تۇراقتالعان جانە تومەندەگەننەن كەيىن شەكتەۋ شارالارى جەڭىلدەتىلگەنىن ايتتى.   ء«بىز Ashyq باعدارلاماسىنا نىسانداردى ەنگىزە وتىرىپ, تسيفرلاندىرۋ مۇمكىندىكتەرىن بارىنشا پايدالانا وتىرىپ, بەلگىلى ءبىر جەڭىلدىكتەر ەنگىزدىك. الايدا قارقىندى ەپيدجاعدايعا بايلانىستى نەگىزگى شەكتەۋ شارالارى جالعاسادى. تاعى دا حالىقتى قوعامدىق ورىندار مەن قوعامدىق كولىكتەردە بەتپەردە رەجيمىن ساقتاۋعا, ادامدار كوپ جينالاتىن نىساندارعا (تۇنگى كلۋبتار, مەيرامحانالار, ءدامحانالار) بارماۋعا, ءۇي جاعدايىندا بۇقارالىق ءىس-شارالاردى شەكتەۋگە, جەدەل ۆاكتسينا الۋعا شاقىرامىن», دەپ تولىقتىردى الماتى قالاسىنىڭ باس سانيتاريا دارىگەرى.