جۇما كۇنى اقش اۋىل شارۋاشىلىعى مينيسترلىگى جابايى بۇعىلار اراسىندا كوروناۆيرۋس جۇقتىرۋدىڭ العاشقى جاعدايلارى تۋرالى حابارلادى, دەپ حابارلايدى Egemen.kz تاسس-قا سىلتەمە جاساپ.
سايتتا جاريالانعان مالىمدەمەگە سايكەس, ءبولىم ماماندارى وگايو شتاتىنداعى اق قۇيرىقتى بۇعىلار كوروناۆيرۋس جۇقتىرعانىن راستادى.
«بۇل SARS-CoV-2 ۆيرۋسى انىقتالعان الەمدەگى العاشقى بۇعى», دەلىنگەن ماتىندە.
جۇرگىزىلگەن زەرتتەۋلەردىڭ ناتيجەلەرى بويىنشا, كەيبىر جابايى بۇعىلاردىڭ انتيدەنەلەرى بار ەكەندىگى بەلگىلى بولدى.
ساراپشىلار جۇقتىرعان بۇعى اۋرۋدىڭ كلينيكالىق بەلگىلەرىن كورسەتپەيتىنىن ايتادى.
«قولدا بار اقپاراتقا سايكەس, ۆيرۋستىڭ جانۋارلاردان ادامعا بەرىلۋ قاۋپى تومەن دەپ سانالادى», دەپ اتاپ ءوتتى مينيسترلىك.