حوككەيدەن قازاقستان كۋبوگى باستالدى

Prosports.kz تاراتقان مالىمەت بويىنشا, 3 توپقا بولىنگەن كوماندالار الدىمەن ءوزارا باسەكەلەسىپ, مىقتىنى انىقتايدى.

ماسەلەن, «ا» توبىندا قازىر «سارىارقا» مەن «تەمىرتاۋ» كوش باستاپ تۇر. العاشقىسى سىرت ايدىندا «قۇلاگەر» كومانداسىن 4:2 ەسەبىمەن جەڭدى.

ال تەمىرتاۋلىق كلۋب كۇنى كەشە پاۆلودارلىق «ەرتىستى» ۇتتى. قورىتىندى ەسەپ – 6:2.

ءدال وسىلاي «ۆ» توبىندا «ارلان» مەن «بەيبارىس», ال «س» توبىندا «اقتوبە» مەن «تورپەدو» الدا كەلەدى. ەرەكشەلىگى سول, سوڭعى ماتچتاردا كەمىندە 7 شايبادان سوعىلىپ جاتىر. ماسەلەن, «تورپەدو» مەن «گورنياك» اراسىنداعى ماتچتا 4:3, «التاي» مەن «بەيبارىس» اراسىنداعى ماچتا 0:7 ەسەبى تىركەلدى. جارىستىڭ جالپى قورىتىندىسى 26 تامىزدا بەلگىلى بولادى.