اتىراۋ وبلىسىنىڭ رەسەيمەن شەكاراداعى قۇرمانعازى اۋدانىندا اسكەري سناريادتىڭ قالدىعى تابىلدى, دەپ حابارلايدى Egemen.kz وبلىستىق تج دەپارتامەنتىنىڭ ءباسپاسوز قىزمەتىنە سىلتەمە جاساپ.
وبلىستىق تج دەپارتامەنتى ءباسپاسوز قىزمەتىنىڭ مالىمەتىنشە, سنارياد 21 تامىزدا ساعات 12:45-تە تابىلعان.
«قۇرمانعازى اۋدانىنداعى «سازدى» شەكارا زاستاۆاسىنان 103 شاقىرىم قاشىقتا زىمىراندىق قوزعالتقىشى بار اۆياتسيالىق سناريادتىڭ بولىكتەرى تابىلدى. ارنايى ماماندار رەسەي فەدەراتسياسىنىڭ «كاپۋستين يار», «اكشۋلۋك» سىناق پوليگوندارىنا ىرگەلەس اۋماقتاعى وقيعا ورنىندا تەكسەرۋ جۇرگىزدى. قازىر اۆياتسيالىق سناريادتىڭ بولىكتەرى تابىلعان اۋماقتا كۇزەت كۇشەيتىلدى. بوگدە ادامداردىڭ جاقىنداۋىنا تىيىم سالىندى. زارداپ شەككەندەر جوق», دەپ حابارلادى دەپارتامەنتتەن.