ەلوردانىڭ كولىك جانە جول-كولىك ينفراقۇرىلىمىن دامىتۋ باسقارماسى جول قوزعالىسى قاۋىپسىزدىگىن قامتاماسىز ەتۋ ءۇشىن نۇر-سۇلتان قالاسى پد اكىمشىلىك پوليتسيا باسقارماسىنىڭ كەلىسىمىمەن ينجەنەرلىك جەلىلەردى ورناتۋ بويىنشا قۇرىلىس جۇمىستارىنىڭ باستالعانىن ءمالىم ەتتى, دەپ حابارلايدى Egemen.kz قالا اكىمدىگىنىڭ رەسمي سايتىنا سىلتەمە جاساپ.
ارمانداستار كوشەسىندە اسفالتبەتون جابىنى توسەلەدى.
بيىل 23 تامىز بەن 23 قىركۇيەك ارالىعىندا جوندەۋ جۇمىستارىنىڭ جۇرگىزىلۋىنە بايلانىستى ارمانداستار كوشەسىندە مەرەكە كوشەسىنەن استانا-قاراعاندى تراسساسىنا دەيىنگى ارالىق كولىك قوزعالىسى ءۇشىن تولىق شەكتەلەتىن بولادى.
«قالا جولدارىندا كەپتەلىس تۋدىرماس ءۇشىن ەلوردا تۇرعىندارى مەن قوناقتارى قوزعالىس باعىتىن الدىن الا جوسپارلاۋى قاجەت. كەلتىرىلگەن قولايسىزدىقتار ءۇشىن كەشىرىم سۇرايمىز جانە جوندەۋ جۇمىستارىنىڭ جۇرگىزىلۋىنە تۇسىنىستىكپەن قاراۋدى وتىنەمىز», دەلىنگەن كولىك باسقارماسىنىڭ حابارلاماسىندا.