«Telegram» قولدانۋشىلارى بيىل قاراشادا بالالار جاپپاي اۋىرا باستايدى, وعان مەكتەپتەر مەن بالاباقشالاردا ازوت وكسيدى مەن بەريللي شاشۋ سەبەپ بولادى دەگەن اقپارات تاراتىپ جاتىر, دەپ حابارلايدى Egemen.kz stopfake.kz سايتىنا سىلتەمە جاساپ.
بۇل اقپاراتتى سانيتارلىق-ەپيدەميولوگيالىق باقىلاۋ كوميتەتى جوققا شىعاردى.
«بۇل فەيك اقپارات. قازىرگى ۋاقىتتا مەكتەپتەردە كۆي تاراتپاۋ بويىنشا بارلىق شارالار قابىلداندى, 379 540 پەداگوگ پەن مەكتەپ قىزمەتكەرلەرى ۆاكتسيناتسيالاندى. بۇل بارلىق ورتا ءبىلىم بەرۋ قىزمەتكەرلەرىنىڭ 96%-ى. وقۋشىلار اراسىندا كۆي تارالۋىنا جول بەرمەۋ بويىنشا شارالار الگوريتمى ازىرلەندى», دەپ حابارلادى سانيتارلىق-ەپيدەميولوگيالىق باقىلاۋ كوميتەتىنىڭ رەسمي وكىلى ەرجان بايتاناەۆ.
ول سونداي-اق قاساقانا جالعان اقپارات تاراتۋشىلار قر قك 274-بابى بويىنشا قىلمىستىق جاۋاپقا تارتىلاتىنىن ەسكە سالدى. ياعني, بۇل باپ بويىنشا 3 مىڭ اەك-كە دەيىنگى ايىپپۇل تۇرىندەگى جاۋاپكەرشىلىك, 800 ساعاتقا دەيىنگى مەرزىمگە قوعامدىق جۇمىستارعا تارتۋ, 3 جىلعا دەيىنگى مەرزىمگە باس بوستاندىعىن شەكتەۋ نەمەسە سول مەرزىمگە باس بوستاندىعىنان ايىرۋ قاراستىرىلعان.