ءۇندىستاندا عارىشقا ۇشپاق بولعان زىمىران كوككە كوتەرىلە المادى, دەپ جازادى Egemen.kz حابار 24-كە سىلتەمە جاساپ.
كۇتپەگەن جاعداياتتىڭ باستى سەبەبى زىمىران-تاسىعىشتىڭ ءۇشىنشى باسقىشى ىسكە قوسىلماي قالعان.
ەلدىڭ عارىشتىق زەرتتەۋلەر ۇيىمى بۇل ساتسىزدىكتى «تەحنيكالىق اقاۋدان بولدى» دەپ ءتۇسىندىردى. تاسىمالداعىشتا جەردەگى تابيعي اپاتتار جاۋىن-شاشىن باعىتى جانە باسقا قۇبىلىستاردى عارىشتان باقىلاۋعا ارنالعان سالماعى 2 توننالىق جەرسەرىگى بولعان.
«باستاپقى 2 باسقىش ىسكە قوسىلعانىمەن, ءۇشىنشىسى ارەكەتسىز قالدى. بۇل ەڭ ماڭىزدى بولىك بولاتىن. سەبەبى اۋىر جەرسەرىگىن كوتەرۋگە مۇمكىندىك بەرەتىن قوزعالتقىش وسىندا ورنالاسقان. ارەكەتىمىزدىڭ ناتيجەلى اياقتالاتىنىنا ءۇمىتىمىز زور بولاتىن», دەدى استروفيزيكا ينستيتۋتىنىڭ پروفەسسورى ار سي كاپۋر.