ۆاكتسينا العان قازاقستاندىقتار ەندى بەلارۋس شەكاراسىنان وتكەن كەزدە پتر-تەست تاپسىرمايدى, دەپ جازادى Egemen.kz.
ءتيىستى قاۋلى ۇلتتىق قۇقىقتىق پورتالدا جاريالاندى.
قۇجاتقا سايكەس, قازىر كوروناۆيرۋسقا قارسى ۆاكتسينانىڭ تولىق كۋرسىنان وتكەن جانە ونى راستايتىن قۇجاتى بار شەتەلدىكتەر وقشاۋلانۋدان جانە پتر-سىناقتارىنان بوساتىلادى.ۆاكتسينالاۋ تۋرالى سەرتيفيكاتقا قويىلاتىن تالاپتار مىناداي:
ۆاكتسينا كۋرسى شەكارادان ءوتۋ كۇنىنە دەيىن كەمىندە ءبىر اي بۇرىن جانە 12 ايدان اسپايتىن ۋاقىتتا اياقتالۋى ءتيىس; تەگى, اتى, اكەسىنىڭ اتى (بار بولسا) كورسەتىلۋى ءتيىس; سەرتيفيكاتتا ۆاكتسينا كۋرسىنىڭ اياقتالعان كۇنى كورسەتىلۋى ءتيىس; قۇجات ورىس, بەلارۋس نەمەسە اعىلشىن تىلدەرىندە بولۋى كەرەك.بەلارۋس دەنساۋلىق ساقتاۋ مينيسترلىگىنىڭ گيگيەنا, ەپيدەميولوگيا جانە پروفيلاكتيكا ءبولىمىنىڭ باستىعى يننا كارابان بۇل جاڭالىققا تۇسىنىكتەمە بەرىپ, ۆاكتسينا سەرتيفيكاتى بار ادامدار ءۇشىن اتالعان ەلگە كىرگەن كەزدە وقشاۋلانۋعا قويىلاتىن تالاپتاردى جانە پتر-تەستىلەۋدى الىپ تاستايتىنىن اتاپ ءوتتى. سونداي-اق, بەلارۋسكە ۆاكتسينا الۋعا كەلگەن ادامدار وقشاۋلانباۋى مۇمكىن, بىراق ولاردان ءالى دە پتر-تەست تالاپ ەتىلەدى.