بۇگىن وڭىرلىك كوممۋنيكاتسيالار قىزمەتىنىڭ الاڭىندا جامبىل وبلىسى بويىنشا سانيتاريالىق-ەپيدەميولوگيالىق باقىلاۋ دەپارتامەنتى باسشىسىنىڭ ورىنباسارى باعلان قىدىرباەۆ بريفينگ وتكىزىپ, قازىرگى كەزدە وڭىردە 2259 ناۋقاستىڭ اۋرۋحاناعا جاتقىزىلعانىن, ايماقتا اۋرۋحانالاردىڭ توسەك-ورىنمەن قامتىلۋى 63 پايىزدى قۇراعانىن اتاپ ءوتتى, دەپ حابارلايدى Egemen.kz.
باعلان قىدىرباەۆتىڭ ايتۋىنشا اۋرۋدىڭ جوعارى دەڭگەيى وبلىستىڭ بارلىق قالالارى مەن اۋداندارىندا دا بايقالادى.
«2021 جىلدىڭ 1 قاڭتارىنان باستاپ مونيتورينگتىك توپتاردىڭ مۇشەلەرى زاڭ بۇزۋشىلىقتارى بار 836 نىساندى انىقتادى. نىسانداردىڭ بارلىق باسشىلارىمەن ءتۇسىندىرۋ جۇمىستارى جۇرگىزىلدى, ەسكەرتۋلەر بەرىلدى. تەكسەرۋ ماتەريالدارى مەن مونيتورينگتىك توپتار سانيتارلىق-ەپيدەميولوگيالىق قىزمەتكە بەرگەن ماتەريالدار نەگىزىندە 83 ميلليون تەڭگەدەن استام سوماعا 705 ايىپپۇل سالىندى», دەدى باعلان قىدىرباەۆ.
بۇگىنگى كۇنگە دەيىن جامبىل وبلىسىنىڭ 71 كاسىپكەرلىك نىساندارىندا كارانتيندىك شارالاردى قاساقانا بۇزۋ فاكتىلەرى انىقتالعان. تەكسەرۋ ناتيجەلەرى بويىنشا جالپى سوماسى 59 ميلليون تەڭگەدەن اساتىن ايىپپۇل سالۋمەن 262 تۇلعا اكىمشىلىك جاۋاپكەرشىلىككە تارتىلعان.
نەگىزگى قۇقىق بۇزۋشى نىسانداردىڭ ساندىق ستاتيستيكاسى بويىنشا, 64 قوعامدىق تاماقتانۋ سۋبەكتىلەرى ياعني, مەيرامحانالار, كافەلەر, بانكەت زالدارى, كافە-بارلار بار. سونداي-اق 3 كومپيۋتەرلىك كلۋب, 2 ساۋدا نىسانى, 1 لوتو كلۋبى جانە 1 بالالار ويىن-ساۋىق ورتالىعى دا تىزىمدە.