مەديتسينا عىلىمدارىنىڭ ماگيسترى, ستاتسيونارلىق جانە ستاتسيوناردى الماستىراتىن كومەك باسقارماسىنىڭ باسشىسى ايما ساعىندىكوۆا ەلدەگى ينفەكتسيالىق توسەكتەردىڭ جۇكتەلىمى تۋرالى مالىمەت بەردى, دەپ حابارلايدى Egemen.kz.
«4 تامىزداعى جاعداي بويىنشا ەلىمىزدە 52 803 ينفەكتسيالىق توسەك ورنى اشىلدى. رەسپۋبليكا بويىنشا توسەكتەردىڭ جۇكتەلىمى 56%-عا جەتكەن. شىلدە ايىمەن سالىستىرعاندا, تامىزدا قوسىلعان مەديتسينالىق ۇيىمداردىڭ سانى 326-دان 339-عا دەيىن, توسەك سانى 10 مىڭعا ارتتى. ينفەكتسيالىق ستاتسيونارلارداعى رەانيماتسيالىق توسەك سانى – 4 795, جۇكتەلىم – 46%.
ينفەكتسيالىق توسەكتەردىڭ ەڭ جۇكتەلىمى شىمكەنت, نۇر-سۇلتان قالالارىندا, قىزىلوردا جانە قوستاناي وبلىستارىندا, رەانيماتسيالىق توسەكتەردىڭ جۇكتەلىمى نۇر-سۇلتان قالاسىندا, ماڭعىستاۋ جانە اتىراۋ وبلىستارىندا بايقالادى», دەدى ايما ساعىندىقوۆا ورتالىق كوممۋنيكايالار قىزمەتىندە.
ونىڭ ايتۋىنشا, ەپيدەميولوگيالىق احۋال كۇردەلەنگەن جاعدايدا كوروناۆيرۋستان ەمدەۋ ءۇشىن قوسىمشا 12 مىڭ ينفەكتسيالىق توسەك جانە جوسپارلى مەديتسينالىق كومەكتى توقتاتپاي 550 رەانيماتسيالىق توسەك ورنالاستىرۋ مۇمكىندىگى بار.