اتىراۋ وبلىسىندا كوروناۆيرۋس ينفەكتسياسىن جۇقتىرعان 6 572 ناۋقاس ەمدەلىپ جاتىر, دەپ حابارلايدى Egemen.kz.
وبلىستىق دەنساۋلىق ساقتاۋ باسقارماسى ءباسپاسوز قىزمەتىنىڭ مالىمەتىنە سۇيەنسەك, 2 تامىزدا كوروناۆيرۋس ينفەكتسياسىنا 406 ادام شالدىققان.
«وتكەن تاۋلىكتە اتىراۋ قالاسىندا 256 ناۋقاس تىركەلدى. جىلىوي اۋدانىنداعى تەڭىز كەن ورنىندا 64 ناۋقاس انىقتالدى. ال, جىلىوي اۋدانىندا 34, يندەردە – 11, قىزىلقوعادا – 11, يساتايدا – 10, قۇرمانعازىدا – 10, ماحامبەتتە – 7, ماقات اۋدانىندا 3 ادام كوروناۆيرۋس ينفەكتسياسىن جۇقتىردى», دەپ حابارلادى باسقارمانىڭ ءباسپاسوز قىزمەتى.
قازىر ءۇي جاعدايىندا ەمدەلىپ جاتقاندار سانى 4 984 ادامعا جەتىپ وتىر. سونداي-اق اۋداندارداعى ينفەكتسيالىق ستاتسيونارلاردا – 412, تەڭىز كەن ورنىنداعى ستاتسيوناردا – 344, مودۋلدىك اۋرۋحانادا – 201, №2 وبلىستىق اۋرۋحانادا – 199, تەمىرجول اۋرۋحاناسىندا – 111, كارديولوگيالىق ورتالىقتا – 102, فتيزيوپۋلمانولوگيا ورتالىعىندا – 86, وبلىستىق اۋرۋحانادا 45 پاتسيەنت وقشاۋلانعان. ينفەكتسيالىق ستاتسيونار ءۇشىن دايىندالعان جاتاقحانالاردا 88 ناۋقاس جاتىر.