بۇگىنگى كۇنى 582 141 دوزا ۆاكتسينا بار. بۇل ۆاكتسينانىڭ ءبىرىنشى كومپونەنتى. ال ەكىنشى كومپونەنت بويىنشا 1 ملن 184 مىڭ دوزا بار. بۇل تۋرالى قر دسم سانيتاريالىق-ەپيدەميولوگيالىق باقىلاۋ كوميتەتىنىڭ توراعاسى ايجان ەسماعامبەتوۆا ايتتى, دەپ جازادى Egemen.kz
سoronavirus.kz تەلەگرامم ارناسىنىڭ جازۋىنشا, ەلىمىزدە CoronoVac ۆاكتسيناسىنىڭ ءبىرىنشى كومپونەنتىنىڭ 20 مىڭعا جۋىق دوزاسى بار. ۆاكتسينا بارلىق وڭىردە بار. بىراق ءار ءتۇرلى مولشەردە قولجەتىمدى. بۇل ۆاكتسينانىڭ كوپ مولشەرى ماڭعىستاۋ وبلىسىندا بار.
شىعىس قازاقستان مەن اقتوبە وبلىستارىندا اتالعان ۆاكتسينا جوق.
Sputnik V ۆاكتسيناسىنىڭ ءبىرىنشى كومپونەنتىنەن 561 مىڭ دانا قالدى. بۇل ۆاكتسينا بارلىق وڭىردە بار.
سونىمەن بىرگە QazVac-تىڭ قازىرگى كۇنى 3 مىڭ دوزاسى قولجەتىمدى. ماڭعىستاۋ وبلىسىندا جانە اتىراۋ وبلىسىندا كوپ مولشەردە بار.
الماتى, جامبىل, قاراعاندى جانە تۇركىستان وبلىستارىندا QazVac جوق.
سينوفارم ۆاكتسيناسىنىڭ 6 286 دوزاسى قالدى. بۇل ۆاكتسينا تەك ماڭعىستاۋ وبلىسىندا عانا بار.