نۇر-سۇلتان تۇرعىندارىنىڭ 22,4%-ى عانا كوروناۆيرۋسقا قارسى يممۋنيتەتكە يە. بۇل تۋرالى نۇر-سۇلتاننىڭ باس سانيتارلىق دارىگەرى سارحات بەيسەنوۆا حابارلادى, دەپ جازادى Egemen.kz.
«بۇگىن ءبىز حالىقتىڭ 22,4%-ىندا عانا يممۋنيتەت قالىپتاستى دەپ ايتا الامىز. ونىڭ 15,8%-ى ۆاكتسيناتسيانىڭ ارقاسىندا, قالعان 6,6% كوروناۆيرۋسپەن اۋىرىپ, جازىلىپ شىققان», دەدى سارحات بەيسەنوۆا اكىمدىكتە وتكەن بريفينگ بارىسىندا.
باس سانيتارلىق دارىگەردىڭ ايتۋىنشا, سوڭعى كۇندەرى قالادا ۆاكتسيناتسيانىڭ دەڭگەيى جوعارىلاعان, كۇنىنە ورتا ەسەپپەن 5000-8000 ادام ەكپە الادى.