قازاقستانداعى كينوتەاترلار پاندەميادان كەيىن شىعىنعا باتتى. كارانتينگە بايلانىستى 9 اي بويى جۇمىس ىستەمەگەندىكتەن ەلىمىزدەگى بىرقاتار كينوزالدار جابىلىپ قالدى, دەپ حابارلايدى Egemen.kz.
ۇلتتىق كينونى قولداۋ مەملەكەتتىك ورتالىعىنىڭ دەرەكتەرىنە سۇيەنسەك, شەكتەۋ شارالارىنا دەيىن ەلىمىزدە 102 كينوتەاتر جۇمىس ىستەگەن. ونداعى كينوكورسەتىلىمدەردەن جىل سايىن شامامەن 18 ميلليارد تەڭگە كولەمىندە قارجى تۇسكەن.
كورسەتىلگەن قازاقستاندىق فيلمدەر سانى 14,5 پروتسەنتتەن 7,4 پروتسەنتكە دەيىن تومەندەگەن. بۇل كورسەتكىشتى ويىن-ساۋىق يندۋسترياسى سالاسىن زەرتتەۋمەن اينالىساتىن ءىرى حالىقارالىق كومپانيا راستاپ وتىر. كينوزالدارداعى ادام سانىنىڭ ازايۋىنا بايلانىستى ەنگىزىلگەن شەكتەۋلەردەن سالانىڭ ىشكى قارىزدارى دا وسكەن.