ددسۇ كوروناۆيرۋستىڭ ءولىم قاۋپىن تومەندەتەتىن پرەپاراتتى اتادى

ۇيىم اۋىر جاعدايداعى ناۋقاستاردىڭ ءومىرىن ساقتايتىن ينتەرلەيكين-6 رەتسەپتورلارى بلوكاتورلارىن تىزىمگە ەنگىزدى. بۇل بىلتىر قىركۇيەكتە ددسۇ كورتيكوستەرويدتاردى قولدانۋدى ۇسىنعاننان بەرى كوروناۆيرۋسقا قارسى العاشقى ءتيىمدى ۇسىنىس سانالاتىن ينتەرلەيكين-6 رەتسەپتورلارىنىڭ بلوكاتورلارى ەكەندىگى اتالدى.

اۋىر نەمەسە اسا اۋىر جاعدايداعى COVID-19 جۇقىترعان ناۋقاستار كوبىنەسە يممۋندىق جۇيەنىڭ شامادان تىس رەاكتسياسىنان زارداپ شەگەتىنى بەلگىلى. ينتەرلەيكين-6-نى بۇعاتتايتىن پرەپاراتتار - توتسيليزۋماب جانە ساريلۋماب وسى شامادان تىس رەاكتسيانى باسادى.

ددۇ باستاعان ءدارى-دارمەكتەردىڭ تالداۋى – ءدارى-دارمەكتەردى قابىلداۋ ءولىم ىقتيمالدىعىن ستاندارتتى ەممەن سالىستىرعاندا 13 پايىزعا تومەندەتكەنىن انىقتادى. مەحانيكالىق جەلدەتۋدىڭ ىقتيمالدىعى 28 پايىزعا تومەندەيدى.

«بۇل ءدارى-دارمەكتەر COVID-19 سالدارىنان زارداپ شەگەتىن ناۋقاستار مەن وتباسىلارعا ءۇمىت بەرەدى. بىراق ينتەرلەيكين-6 رەتسەپتورلارىنىڭ بلوكاتورلارى الەمنىڭ كوپ ەلىندە قول جەتىمسىز. ءبىز مۇنى شۇعىل تۇردە وزگەرتۋىمىز كەرەك», دەدى ۇيىمنىڭ باس ديرەكتورى تەدروس ادحانوم گەبرەيەسۋس.