سوڭعى كۇندەرى مۇنايلى وڭىردە كوروناۆيرۋس ينفەكتسياسىنا شالدىعۋ دەرەگى ۇدەپ بارادى. ماسەلەن, وتكەن تاۋلىكتە 137 ادام قاۋىپتى ۆيرۋستى جۇقتىردى, دەپ جازادى Egemen.kz.
وبلىستىق دەنساۋلىق ساقتاۋ باسقارماسى ءباسپاسوز قىزمەتىنىڭ مالىمەتىنە سۇيەنسەك, كوروناۆيرۋس ينفەكتسياسىن جۇقتىرعاندار اتىراۋ قالاسىندا, جەتى اۋدان مەن تەڭىز كەنىشىندە تىركەلىپ وتىر.
«وتكەن تاۋلىكتە 137 ادامنان كوروناۆيرۋس ينفەكتسياسى انىقتالدى. ونىڭ ىشىندە 92 ناۋقاس – اتىراۋ قالاسىنىڭ تۇرعىنى. سونداي-اق, قۇرمانعازى اۋدانىندا 9, يندەردە – 8, جىلىويدا – 7, يساتايدا – 7, ماحامبەتتە – 5, ماقاتتا – 3, قىزىلقوعا اۋدانىندا 2 ادامنان ۆيرۋس بەلگىسى تابىلدى. ال, تەڭىز كەنىشىندە 4 جۇمىسشى قاۋىپتى ىندەتكە شالدىقتى» دەپ ءمالىم ەتتى باسقارمانىڭ ءباسپاسوز قىزمەتىنەن.
وسىعان بايلانىستى وڭىردەگى ينفەكتسيالىق ستاتسيونارلاردا جاتقان ناۋقاستاردىڭ سانى 485 ادامعا جەتكەن. ونىڭ ىشىندە مودۋلدىك اۋرۋحانادا – 185, №2 وبلىستىق اۋرۋحانادا – 135, اۋداندارداعى ستاتسيونارلاردا – 112, تەڭىز كەن ورنىنداعى ستاتسيوناردا 53 ادام ەمدەلىپ جاتىر.
قازىر ءۇي جاعدايىندا ەمدەلۋگە 420 ادام وقشاۋلانعان.