نۇر-سۇلتان قالاسى باس مەملەكەتتىك سانيتار دارىگەرىنىڭ جاڭا قاۋلىسىمەن كينوتەاترلاردىڭ جۇمىس ىستەۋ ءتارتىبى وزگەرتىلدى, دەپ حابارلايدى Egemen.kz.
«Ashyq جوباسىنا قاتىساتىن كينوتەاترلاردىڭ جۇمىسىن وتىراتىن ورىندار سانىنىڭ 30%-نان اسپايتىن تولتىرۋمەن, كورەرمەندەردى قاتاردىڭ ۇزىندىعى بويىنشا اراسىندا ەكى كرەسلو قالدىرىپ جانە قاتارلار بويىنشا شاحماتتىق تارتىپپەن وتىرعىزىپ, كۇشەيتىلگەن سانيتاريالىق-ەپيدەمياعا قارسى, سانيتاريالىق-پروفيلاكتيكالىق ءىس-شارالاردى ساقتاۋمەن, اكتسيالار وتكىزبەي, جۇمىس كەستەسىن جۇمىس جانە دەمالىس كۇندەرى ساعات 10.00-دەن 24.00-گە دەيىن بەلگىلەۋمەن ۇيىمداستىرۋ رۇقسات ەتۋ قامتاماسىز ەتىلسىن», دەپ جازىلعان جاڭا قاۋلىدا.
قۇجاتتا قاۋلىنىڭ ءمان-ماڭىزىن حالىققا ءتۇسىندىرۋ قالالىق ىشكى ساياسات باسقارماسىنا, ال ورىندالۋى نۇر-سۇلتان قالاسىنىڭ سانيتاريالىق-ەپيدەميولوگيالىق باقىلاۋ دەپارتامەنتىنىڭ اۋداندىق باسقارمالارىنا, نۇر-سۇلتان قالاسىنىڭ پوليتسيا دەپارتامەنتىنە, نۇر-سۇلتان قالاسىنىڭ اۋداندىق اكىمدىكتەرىنە جۇكتەلگەن.
قاۋلى 2021 جىلعى 2 شىلدەدە ساعات 00:00-دەن باستاپ كۇشىنە ەنەدى.