«استانا وپەرا» تەاترىندا قارشىعا احمەدياروۆتى ەسكە الۋعا ارنالعان «كۇمبىرلە, اسىل دومبىرا» كونتسەرتى ءوتتى, دەپ حابارلايدى Egemen.kz.
كونتسەرت قارشىعا احمەدياروۆتىڭ ءومىرى مەن شىعارماشىلىعىنا ارنالعان بەينەفيلممەن باستالدى.
وسى كەشتە عالىم احمەدياروۆ, ايتقالي جايىموۆ, دينا حامزينا, ازامات جىلتىركوزوۆ, رۋسلان بايمۋرزين, ايتجان توقتاعان, جۇمابەك قادىرقۇلوۆ, باتىرلان ابەنوۆ, ەدىل باسىعاراەۆ, دوسىم ماقسۇتوۆ, دارىن قۇدايبەرگەنوۆ جانە تاعى باسقا ونەرپازدار كومپوزيتوردىڭ مول مۇراسىن تىڭدارمان نازارىنا ۇسىندى.
تانىمال قازاقستاندىق مۋزىكانتتارمەن قاتار كونتسەرتكە مەملەكەتتىك اكادەميالىق فيلارمونياسى قازاق وركەسترىنىڭ قىرىققا جۋىق ءارتىسى قاتىستى. قازاق حالىق كومپوزيتورلارىنىڭ كوپتەگەن شىعارمالارىن وڭدەۋ جانە ءوز پايىمىنشا تۇرلەندىرۋدەن بولەك, ق.احمەدياروۆ ءوزىنىڭ ءتول تۋىندىلارى – «شاشاقتى نايزا شالقار كۇن», «نارىن», «قۋانىش», «ساعىنىش», «اققايىڭ», «جەلدىرمە» جانە تاعى باسقا كۇيلەرى مەن اندەرىن مۇراعا قالدىردى.