يراكتىڭ وڭتۇستىگىندە مۋكورميكوز نەمەسە «قارا زەڭ» دەپ اتالاتىن اۋرۋدان كەم دەگەندە ەكى ادام قايتىس بولعان, دەپ حابارلايدى Egemen.kz.
ەلدىڭ دەنساۋلىق ساقتاۋ دەپارتامەنتىنىڭ ءباسپاسوز حاتشىسى اممار ءال-زاميلي يراكتىڭ دي-كار اۋدانىندا «قارا زەڭ» اۋرۋىنان ەكى ادام قازا بولعانىن ايتادى.
ولار كوروناۆيرۋس ينفەكتسياسىنان تۋىنداعان اسقىنۋلاردان كەيىن كوز جۇمعان. مەديتسينا ماماندارىنىڭ ايتۋىنشا, 51 جاستاعى ناۋقاستىڭ كوزىنە قارا ساڭىراۋقۇلاق شىقاننان كەيىن وسىنداي دياگنوز قويىلعان. ەلدى مەكەن اۋماعىندا مۋكورميكوزدىڭ ءتورت جاعدايى انىقتالدى.
يراك دەنساۋلىق ساقتاۋ دەپارتامەنتىنىڭ ديرەكتورى ابدۋل امير ءال-ءحالفيدىڭ سوزىنشە, توپىراق پەن اۋىل-ايماقتىڭ لاستانۋىنا بايلانىستى «قارا زەڭ» جۇقتىرۋ قاۋپى بار.
مۋكورميكوز نەمەسە «قارا زەڭ» – بۇل ساڭىراۋقۇلاق ينفەكتسياسىنىڭ سالدارىنان بولاتىن اسقىنۋ. اۋرۋ قانت ديابەتىمەن اۋىراتىن ادامدار ءۇشىن, اسىرەسە كوروناۆيرۋستان كەيىن يممۋنيتەتى تومەندەگەندەر ءۇشىن قاۋىپتى.
ەسكە سالايىق, بۇعان دەيىن ءۇندىستاندا كوروناۆيرۋس جۇقتىرىپ, ودان جازىلعانداردان «قارا زەڭ» انىقتالعان بولاتىن. ءۇندىستاننىڭ رادجاستان جانە تەلانگانا شتاتتارى «قارا زەڭ» ەپيدەمياسىن جاريالاعان.