اتىراۋ قالاسىنىڭ تۇرعىنى «سۋعا سەكىرەمىن, ولەمىن» دەپ, پوليتسياعا جالعان حابار بەرگەن, دەپ حابارلايدى Egemen.kz.
وبلىستىق پوليتسيا دەپارتامەنتى ءباسپاسوز قىزمەتىنىڭ اقپاراتىنا سۇيەنسەك, جىل باسىنان بەرى پوليتسياعا 18 جالعان حابار بەرىلگەن. سونداي جالعان حابار بەرۋشىنىڭ ءبىرى «102» وپەراتورىنا 22 مامىردا ساعات 12:30 شاماسىندا تەلەفون سوققان.
«ول ەرتەڭ سۋعا سەكىرىپ, ولەمىن دەپ حابار بەرگەن. ارىزدانۋشىنىڭ بۇل حابارى پوليتسيا قىزمەتكەرلەرىنىڭ الاڭداتۋشىلىعىن تۋعىزدى. وسىعان بايلانىستى پوليتسيا قىزمەتكەرلەرى جەدەل تەكسەرۋ جۇرگىزدى. ناتيجەسىندە پوليتسياعا جالعان حابار بەرگەن اتىراۋ قالاسىنىڭ تۇرعىنى انىقتالدى. ول قالجىڭ ءۇشىن پوليتسياعا ورتا دارەجەلى ماساڭ كۇيدە تەلەفونىنان قوڭىراۋ شالعانىن مويىندادى», دەپ حابارلادى دەپارتامەنتتىڭ ءباسپاسوز قىزمەتى.
اتالعان ازاماتقا قاتىستى قر اكىمشىلىك قۇقىقبۇزۋشىلىق تۋرالى كودەكسىنىڭ 438-بابىنىڭ 1-بولىگىمەن (مەملەكەتتiك ورتكە قارسى قىزمەت ورگاندارىن, پوليتسيانى, مەديتسينالىق جەدەل جاردەمدi, اۆاريالىق قىزمەتتەردi كورiنەۋ جالعان شاقىرۋ) اكىمشىلىك حاتتاما تولتىرىلىپ, 30 ايلىق ەسەپتىك كورسەتكىش كولەمىندە ايىپپۇل سالىندى.