كوروناۆيرۋس بويىنشا الەمدىك احۋالعا شولۋ

ءۇندىستاندا 24 ساعات ىشىندە بۇرىن-سوڭدى بولماعان كوپ ادام قايتىس بولدى. ەلدىڭ دەنساۋلىق ساقتاۋ مينيسترلىگى 4 205 ادام قايتىس بولعانىن حابارلايدى. جالپى, ءولىم سانى 254 197-گە دەيىن, ال جۇقتىرعانداردىڭ جالپى سانى 348 421 ادامعا 23,34 ميلليونعا دەيىن ءوستى.

گرۋزيادا سوڭعى تاۋلىكتە كوروناۆيرۋستىق ينفەكتسيانى جۇقتىرۋدىڭ 1 788 جاڭا جاعدايى تىركەلىپ, 31 ادام قايتىس بولدى. ءبىر كۇندە تىركەلگەن ءولىم سانى سوڭعى بىرنەشە ايداعى ەڭ جوعارى بولدى. جالپى, گرۋزيادا پاندەميا باستالعاننان بەرى 4 336 ادام COVID-19-دان قايتىس بولدى. جالپى, گرۋزيادا پاندەميا باستالعاننان بەرى 324 256 ينفەكتسيا راستالدى, 303 679 ادام ساۋىقتى.

اقش-تاعى باسەكەلەس Uber جانە Lyft تاكسي قىزمەتتەرى 4 شىلدەگە دەيىن COVID-19 ۆاكتسيناتسيالاۋ پۋنكتتەرىنە باراتىن تۇرعىندارعا تەگىن قىزمەت ەتەدى. بۇل شارالار اق ءۇي اكىمشىلىگىنىڭ تاۋەلسىزدىك كۇنىنە امەريكالىق ەرەسەكتەردىڭ 70%-ىن ەگۋ ءۇشىن جاساعان جۇمىستارىنىڭ ءبىر بولىگى.

كەز كەلگەن تۇردەگى سوزىلمالى نەۆرولوگيالىق اۋرۋلار, اتاپ ايتقاندا دەمەنتسيا, التسگەيمەر اۋرۋى, ميگرەن, COVID-19 قاۋپىن ەكى ەسە ارتتىرادى. بۇل تۋرالى پيتتسبۋرگ ۋنيۆەرسيتەتىنىڭ (اقش) مەديتسينا مەكتەبىنىڭ قىزمەتكەرلەرى باستاعان حالىقارالىق عالىمدار توبى جۇرگىزگەن زەرتتەۋ ناتيجەلەرىندە حابارلاندى. سونداي-اق ساراپشىلاردىڭ پىكىرىنشە, كوروناۆيرۋستىق ينفەكتسيانىڭ ءدام نەمەسە ءيىس سەزبەۋ سياقتى بەلگىلەرى اۋرۋدان قايتىس بولۋ قاۋپىن التى ەسە ارتتىرادى.