ەلىمىزدە 9 جانە 11 سىنىپ تۇلەكتەرى ءۇشىن سوڭعى قوڭىراۋ ءراسىمىن وتكىزۋگە رۇقسات بەرىلەدى. بۇل تۋرالى ءبىلىم جانە عىلىم ءمينيسترى اسحات ايماعامبەتوۆ ايتتى, دەپ حابارلايدى Egemen.kz.
«سوڭعى قوڭىراۋ 25 مامىردا وقۋ جىلىنىڭ ءۇشىنشى توقسانىنان بەرى وفلاين رەجيمدە وقىپ جاتقان 9 جانە 11 سىنىپ تۇلەكتەرى ءۇشىن وتكىزىلەدى. سونداي-اق ەپيدەميالىق تالاپتاردى قاتاڭ ساقتاي وتىرىپ, 25 مامىرعا ارنالعان ءىس-شارالار, سوڭعى قوڭىراۋ جانە بيىل ماۋسىمنىڭ ورتاسىندا وتەتىن اتتەستات تاپسىرۋ وفلاين رەجيمدە وتەدى دەپ جوسپارلاپ وتىرمىز», دەدى مينيستر اپپارات جينالىسىندا.
ول مەكتەپ ديرەكتورلارى, ءبىلىم بولىمدەرى مەن ءبىلىم باسقارمالارىنا بارلىق سانيتارلىق-ەپيدەميولوگيالىق تالاپتى ساقتاي وتىرىپ, ءىس-شارانى ۇيىمداستىرۋدى تاپسىردى.
ايتا كەتەيىك, 2020 جىلى قازاقستان مەكتەپتەرىندەگى سوڭعى قوڭىراۋ ءراسىمى اتا-انالاردىڭ قاتىسۋىنسىز وتكىزىلگەن بولاتىن.